Baal kale karne ki tips

Baal kale karne ki tips

Waqt aur umar ke hisab se baal safed hona aam hai magar waqt se pehlay balon ki safedi nojawan nasal mein pareshani ka baais hai. waqt se pehlay balon ke safaid honay ki kayi vjohat ho sakti hain jin mein se chand aik mandarja zail hain.

  1. Balon ke safaid honay ki sab se ahem wajah jism mein balon ke rang bananay walay Pigment Melanin ka nah ban-na ya kam miqdaar mein ban-na ho sakta hai.
  2. Balon ke safaid honay ki wajah pedaishi ya khandani bhi ho sakti hai. Misaal ke tor par agar aap ke dada ya waalid ko yeh bemari la-haq thi to aap ke baal bhi waqt se pehlay safaid ho satke hain.
  3. Har waqt pareshani, gussa, lambay arsay tak depression ya be cheeni aur deegar amraaz bhi balon ki safedi ka baais ban satke hain. uskay ilawa hyir colour ke istemaal se bhi baal safaid ho jatay hain.

Umar se pehlay balon ke safaid ho jane ki wajohaat mein deegar awamil maslan ghiza, adwiyaat ke manfi asraat aur deegar jismani kaifiyat waghera bhi shaamil ho sakti hain.

Baal kale karne ki tips


Agar aap bhi waqt se pehlay balon ke safed ho jane ki pareshani ka shikaar hain to baal siyah karne ke liye bazari chemical masnoaat ke istemaal se bachna chahiye kyunkay is se aasaan aur sasta hal aap ke ghar mein dastyab hai. Mandarja zail mein aap safed balon ko qudrati tareeqon se siyah karne ki aasaan tips aur totkay jaan sakay ge.


Levander, choti elaichi aur pudine ke chand pattay 1 piyali pani mein pakka kar subah shaam piyen, chand dinon mein baal qudrati siyah hona shuru ho jayen ge. Coffee aur kalonji ko pees kar balon mein laganay se bhi baal kalay aur chamakdar ho jatay hain.


Plastic ki bottle mein 100 gram lauki ka tail, 100 gram kalonji ka tail, 100 gram badam ka tail aur 400 gram sarson ka tail mila kar subah ki dhoop mein 2 ghantay rozana 3 din tak rakhen. Uskay baad is tail se rozana balon mein massage karen baal safaid hona ruk jayen ge aur un ki qudrati siyahi aur chamak wapas aana shuru ho jaye gi.


Ek cup kalay til ke tail mein chand kari pattay, 2 chamach chakandar ka ras, 1 kelay ka chilka aur aalo ka chilka daal kar itna pakayen ke tamam ajzaa jal jayen. Uske baad chhaan ka tail bottle mein rakh lein aur har dosray din raat ko sonay se pehlay balon ki jaroon se suron tak massage karen. chand din mein safaid baal kale hona shuru ho jayen ge.


2 allo ka ras, banghra siyah 1 chamach, ratanjo 1 khanay ka chamach, aur aadha chamach kalonji ka tail le kar pakka len. Thanda honay par balon ki jaroon mein laga kar massage karen aur 2 ghantay baad dho len. Iskay ilawa sarson ke tail mein kari pattay aur banghra siyah daal kar pakayen aur chhaan kar rakh len. Rozana balon mein massage karen chand din ke istemaal se baal siyah aur chamakdar ho jayen ge.

Baal kale karne ke totkay


Agar aap ke baal teji se safed ho rahe hain aur aap inhen siyah bananay ke liye hyir colour ki bajaye gharelo tareeqon se safaid karna chahtay ya chahti hain to balon ko qudrati siyah bananay walay chand azmooda aur mufeed gharelo totkay mandarja zail hain. Jo balon ki saakht ko nuqsaan pohanchaye baghair inhen chand din mein qudrati siyah aur chamakdar bana dainay mein kaar amad hain.


Balon ko qudarti kala banane ke liye amla aur lemon juice ka mask sab se behtareen aur sasta tareen hal hai. mask ke liye aap ko un ajzaa ki zaroorat ho gi.

  1. Amla powder – 4 chamach
  2. Lemoo ka ras – 2 chamach
  3. Saaf pani – 2 chamach

Bartan mein 2 chamach pani le kar is mein 4 chamach amla powder mein aur do chamach lemon juice ke shaamil kar ke paste bana len. paste ko balon ke suron se jaroon tak lagayen aur aur taqreeban 1 ghantay ke liye chore den. Iss ke baad achi terhan balon ko pani se dho len aur sarson ke tail se maalish karen. Iss paste ko har 4 din baad istemaal karen chand hafton mein apke baal kale aur chamakdar ho jayen ge.

Baal dhone ke liye shampoo ya sabun hargiz istemaal nah karen, jis din aap amla aur lemoo ka paste istemaal nah kar rahi hon is din balon ko dhoney ke liye sabun ya shampoo istemaal kar sakti hain. Behtar yeh hai ke herbal shampoo istemaal kya jaye.


Waqt se pehlay balon mein aane wali safedi ko khatam karne ke liye desi andon ke tail aur adrak lehsun paste ka mask bohat kaaramad hai. Mask bananay ke liye aap ko mandarja zail ajzaa ki zaroorat ho gi.

  1. Desi andon ka tail – 1/4 cup
  2. Adrak lehsun paste – 1 chaye ka chamach
  3. Kaali mirch ka powder – 1 chamach
  4. Safed sirka – 1 chamach
  5. Methi dana powder – 1/2 chamach

Adrak lehsun paste, kaali mirch ke powder, sirka aur maithi daano ke sufoof ko aik chothai desi andon ke tail mein achi terhan mix kar ke rakh den. Jab istemal karna ho to hasb zaroorat tail garam kar ke is mein mutter ke danay ke barabar betamethasone cream daal kar mila len aur balon mein massage karen ke baad pani se dho len. Iss tail se haftay mein kam az kam 3 baar balon ka massage zaroor karen.

Iss totkay ke istemal se balon ki safedi khatam ho jaye gi, baal ghany aur chamakdar banane ke ilawa girna band ho jayen ge.


Kari pattay aur nariyal ke tail ka mask balon ko qudrati siya hay aur chamakdar bananay mein bohat mufeed hai. mask bananay ke liye aap ko mandarja zail ajzaa ki zaroorat ho gi.

  1. Khushk kari pattay – 10 Adad
  2. Nariyal ka tail – 1 cup

Kari patte ko koot kar powder bana lein, uske baad nariyal ka tail kisi bartan mein daal kar kari pattoun ka sufoof dalain aur halki aanch par paknay den. ubaal anay ke baad thanda kar ke chhaan len aur kisi bartan mein mehfooz kar len. Iss tail ko balon ki jaroon mein lagayen aur unglio se 10 minute tak massage karen. Adhay ghantay baad shampoo se sir dho len. is mask ko haftay mein do baar istemaal karne se balon mein qudrati siyahi aur chamak aa jati hai.


Agar aap ke paas balon par mask waghaira lagane ke liye waqt nahi hai to aap balon ko siyah bananay wala majoon bhi tayyar kar satke ya sakti hain. Yeh majoon balon ki safedi ke ilawa Hafza ki kmzroy mein bhi mufeed hai. Majoon bananay ke liye aap ko mandarja zail ajzaa ki zaroorat ho gi.

  1. Lemoo – 4 Adad
  2. Lehsun – 3 Adad
  3. Shehad – 1 kilo
  4. Alsi ka tail – 200 gram

Lemoo ka ras nikaal len, lahsun ko achi terhan coat kar lemoo ke ras mein mila len. Uskay baad alsi ka tail aur shehad daal kar achi terhan mila len. Iss amezay ko kisi jaar mein daal kar achi terhan band kar dein aur fridge mein rakh len. Din mein 3 martaba khanay se 30 minute qabal aik bara chamach khayen. Iss majoon ke istemaal se chand hafton mein hi baal siyah honay lagey ge aur dimaghi kamzoree bhi khatam ho jaye gi.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Please enter a CAPTCHA value. *