You are now here at: HomeSehat aur fitnessHigh blood pressure ki alamat aur ilaj
High blood pressure
Sehat aur fitness

High blood pressure ki alamat aur ilaj

Hypertension jise aam lafzon mein buland fishar khoon ya high blood pressure bhi kehte hain. insani jism mein aam tor par 5 se 6 letter khoon hota hai. aur Allah taala ne insani dil mein kamaal rakha hai ke yeh 1 second mein 5 letter khoon ko saaf kar sakta hai. Insani jism mein sharianon aur wareedon ka nizaam mojood hai jo jism ke har hissay tak saaf khoon pohanchanay ka zareya hai. un khoon le jane wali nalion par jab dabao barhta hai to dil ki taraf khoon ka bahao taiz ho jata hai. jitna taiz yeh bahao ho ga itna hi blood pressure ziyada hoga.

High blood pressure aisi bimari hai jiska mareez ko achanak hi maloom parta hai aur usay khamosh qaatil bhi kaha jata hai. kisi bhi insaan ka blood pressure achanak high ho jana uski zindagi ke liye khatarnaak saabit ho sakta hai kyunkay high blood pressure ke marz se insaan ki dimagh ki rigg phatt sakti hai, faalij ho sakta hai ya uski mout bhi hosakti hai.

High blood pressure ki wajohat


High blood pressure ki wajohat mein udhair Umri , ghair miaari tarz zindagi, cigrette o sharaab noshi, khanay mein namak ka ziyada istemaal, motapa, jismani harkaat o saknaat ki kami, diabities, gurdon ya thyroids masail, tension ya zehni tanao aur vitamin d ki kami waghera ho sakti hain.

Baaz auqaat waqti tor par maslan gussa karne, jazbati honay, sakht mehnat o mushaqqat waghera karne par bhi blood pressure barh sakta hai, jisay is marz mein shumaar nahi karna chahiye.

High blood pressure ki alamat


High blood pressure ki amooman koi alamat zahir nahi hoti aur shayad isi wajah se usay khamosh qaatil kaha jata hai. lekin baaz auqaat shadeed sar dar, ghunodghi ya chakkar aana, qay hona, saans lainay mein takleef ya aankhon ke agay andhera chaane jaisi alamaat zahir ho sakti hain.

Agar aap darja bala alamat mein se koi bhi alamat mehsoos karen to foran dr se rujoo karen aur apna blood pressure check karwaen. kyunkay zara si ghaflat aap ke liye kisi barri pareshani ka baais ban sakti hai.

High blood pressure ko kaise control kiya jaye?


Agar aap ko ilm ho ke aap ko high blood pressure ki shikayat hai to yaqeenan aap pareshan hunge ke medicine li jaye taakay blood pressure narm ho. magar shayad hi aap ko maloom ho ke aap medicine ke ilawa apni khoraak, life style aur roz maraah ki routine mein ghair mamooli tabdeeli laa kar bhi high blood pressure ko control kar satke hain.


Agar aap high blood pressure jaisi bimari se bachna chahty ya chahti hain to apni sehat ka khaas khayaal rakhen aur ghair zaroori tension ya stris lainay se ijtinab karen. Agar aap motapay ka shikaar hain ya wazan Umar ke hisaab se bohat ziyada hai to usay kam karne ki koshish karen.


Mutawazan aur sehat bakhash ghaza khayen, ziyada taley hue aur chiknahat walay khanay kam khayen. Apni roz maraah khoraak mein gaajar, lemoo, saib, adrak, lahsun aur doodh dahi ka istemaal zaroor karen.


Sehat mand rehne ke liye taaza phal aur sabzian khayen. Khane mein namak ka istemal kam karen. hafte mein 5 din kam za kam 30 minute tak werzish laazmi karen.

High blood pressure ke liye gharelu totkay

Adwiyat ke alawa high blood pressure ko kabu karne ke liye azmooda gharelo totkay bhi istemaal kiye jatay hain. mandarja zail mein blood pressure ko kam karne ke liye kuch gharelo totkay betaye gaye hain jin ko istemaal kar ke aap blood pressure ke maslay par kaafi had tak qaboo pa sakti ya satke hain.


High blood pressure ko control karne ke liye green har bil tea be had faida mand hai. Herbal tea banane ke liye aap ko mandarja zail ajzaa ki zaroorat ho gi.

  1. Pani – 8 glass
  2. Sabz chaye – 6 khanay ke chamach
  3. Jaman ka sirka – 1 khanay ka chamach
  4. Sabz alaichi – 4 Adad
  5. Kalonji – 1/2 chamach
  6. Daar cheeni – Hasb zaroorat

Taqreeban 8 glass pani mein 6 chammach sabz chaye, 1 khanay ka chamach jaman ka sirka, aadha chamach kalonji, 4 Adad sabz alaichi aur daar cheeni daal kar pakay ke liye rakh den. Jab dekhen ke 6 glass pani reh gaya hai to thanda kar ke fridge mein rakh len. Din mein kam az kam 3 baar is chaye mein lemon juice daal kar piyen. kuch din mein high blood pressure control ho jaye ga.


Herbal tea ke alawa high blood pressure ko control karne ke liye aalo bukhary aur podeenay ka qehwa bhi nihayat mufeed hai, yeh nuskha un mareezon ko bhi bohat faida mand hai jin ke khoon mein cholesterol ya Triglyceride bara hwa ho. qehwa bananay ke liye aap ko mandarja zail ajzaa ki zaroorat ho gi.

  1. Khushk aalo bukhara – 2 Adad
  2. Khushk podina – 1 chutki
  3. Pani – 2 cup

Ek degchi mein 2 cup pani dalkar ubal len, phir is mein aalo bukhara aur podina daal kar itna pakayen ke pani 1 cup reh jaye tu thanda kar ke pi len. Din mein 2 martaba rozana peenay se chand din mein high blood pressure ka masla theek ho jata hai.

Uskay ilawa 3 Adad khushk aloo bukharay le kar inhen aadha glass pani mein ubaal len, thanda honay par nehar mun piyen. 20 din tak yeh nuskha lagataar istemaal karen Insha Allah blood pressure ka masla hamesha ke liye jaan chore day ga.


Yun to adrak high blood pressure ke liye bohat mufeed hai, lekin agar is ki chaye bana kar istemaal ki jaye to ziyada faida hota hai. Adrak ki chaye bananay ke liye aap ko mandarja zail ajzaa ki zaroorat hogi.

  1. Desi adrak powder – 10 gram
  2. Sabz elaichi – 6 se 8 Adad
  3. Saunf – 1 chamach
  4. Pudina ke pattay – 15 se 20 Adad

Adrak, sabz elaichi, saunf aur sabz pudina ko 8 glass pani mein daal kar halki aanch par itna ubalin ke woh 6 glass reh jaye. din mein kam az kam 3 baar khanay ke baad 1 cup taqreeban 2 mehany tak istemaal karen.

Chaye banne ke liye silver ke bartan ki bajaye kanch ya steel ka bartan istemaal karen. Chaye ke istemaal ke drwan chhota, bara gosht, timatar, achaar, palaak aur taiz mirch masalha waghera se mukammal parhaiz karen.


Angrezi adwiyat ke alawa agar aap herbal capsule ka istemal karen to aap chand din mein high blood pressure pressure ko control kar satke hain. Herbal kipsol bananay ke liye aap ko mandarja zail ajzaa ki zaroorat ho gi.

  1. Alaichi khord – 12 gram
  2. Sandal safaid – 24 gram
  3. Kafoor – 12 gram
  4. Kuhar hashmi – 6 gram
  5. Tabasheer – 12 gram
  6. Podina – 1 chamach
  7. Choti chandan – 24 gram

Tamam ajza ko achi tarah bareek pees kar safoof bana len. Ab 4 number ke khaali capsule le kar is mein is sufoof ko bhar len. 1 kipsol ko 1 cupp arq gayo zabaan ke sath din mein teen baar istemaal karen. Aik mah ke ke musalsal istemaal se hamesha ke liye high blood pressure se jaan chhuut jaye gi.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Adsense Ads