You are now here at: HomeGharelo tips aur totkayKapron se daag dhabbe khatam karne k totkay
Stain removing totkay in Urdu
Gharelo tips aur totkay

Kapron se daag dhabbe khatam karne k totkay

Kapron par aksar khane peene ya kaam kaaj ke dauran, aur khaas tor par jin gharon mein chhootey bachay mojood hon wahan kapron par daag dhabbe lagna mamool ki baat hai. Apne istemaal ke kapray hon, bachon ke ya ghar mein istemaal honay walay kapray agar daag daar ho jayen to khatoon khanah ki pareshani mein izafah ho jata hai. Kyunkay daagh daar kapron ko dhona aur un par se daag dhabbe hatana mushkil kaam hai, jo waqt ke sath sath mehnat talabb ha.

Bohat si khawateen kapray dhone aur un se daag dhabbe utaarnay mein laparwai karti hain aur inhen is baat ka bilkul andaza nahi hota ke kon se kapray pehlay dhoney hain aur kin ko baad mein. Aur isi be khayali mein baaz auqaat kapron par mukhtalif qisam ke daag dhabbe lag jatay hain, jo kayi martaba dhoney ke baad bhi nahi utartay, jin se aksar kapray badnuma ho jatay hain aur pahannay ko bhi jee nahi karta.

Mandarja zail mein kapron ko dhone ki tips aur un par lagey daag dhabbe hataane ke chand mufeed gharelo totkay bayan kiye gaye hain. Jin ko istemal laa kar nah sirf aap kapron se daag dhabbe saaf kar sakti hain balkay inhen be rang honay se bhi bacha sakti hain.

Kapron se daag dhabbe khatam karne k totkay

Kapron se daag dhabbe aasani ke sath utaarnay ke liye aap washing powder ke ilawa apne kitcehn mein mojood cheezo ka istemal bi kar sakti hain. Mandarja zail mein kapron se gehray aur ziddi daag dhabbe utaarnay ke liye chand gharelo totkay bayan kiye gaye hain. Yeh gharelo totkay kapron ke reshon aur rang ko koi nuqsaan punchain baghair ziddi daagh dhabbay ba aasani utaar sakti hain.


Agar munasib dhulai ke bawajood kapron se syahi ke daag dhabbe saaf nah ho rahay hon to mandarja zail totkay istemaal karne se daag ba aasani utar jayen ge.


Safaid kapron par se nili ya kaali syahi ke daagh daur karne ke liye aik lemoo le kar is ka ras daagh wali jagah khoob ragrain, Isske kapray ko thanday pani se dhowen aur dhoop mein daal den. Isske alawa nili syahi ke daag ko doodh mein pandrah minute bigho kar rakhnay se bhi daagh utar jata hai.


Kapron par agar baal point ki lakeerain lag jaye to spirit laga kar saaf karne se lines mit jati hain. Iske alawa daag ko chand ghantay tamatar ke ras mein bigho kar rakhen aur phir dho len, agar daagh phir bhi nah utre to 2 chamach dahi daagh par milein avrchnd minute baad kapray dhoney walay sabun se achi terhan dho len.


Kapron par agar surkh siyahi ke daagh lag jayen to inhen saaf karne ke liye dagoon par alchohal lagayen daagh daur ho jaien ge. Siyahi ka daagh agar pakka ho to usay mitanay ke liye tarpeen aur ammonia barabar wazan mein len aur daagh daar kapray ko is mein 2 se 3 ghanton bigo dain phir neem garam pani se dho len, daag utar jaye ga.


Agar munasib dhulai ke bawjood kapron se khoon ke daag dhabbe saaf nah ho rahay hon to mandarja zail totkay istemaal karne se khoon ke daag ba aasani utar jayen ge. Kapron par taaza khoon ke daagh hamesha thanday pani se dhowen garam pani istemaal karne se daag pakay ho jatay hain.


Agar kapron par khoon ke dhabbe lag jayen to un par nshaste ki lyi pakaker lagayen, jab lyi sookh jaye to brush se ragar kar saaf karen, daag utar jaye ga. Iske alawa khoon ka dhabba dur karne ke liye garam pani mein chand chamach ammonia daal kar daagh wala hissa bigho den thori der baad khoob ragar kar dhowen to daag utar jaye ga.


Khoon ke puranay daagh ko ammonia laga kar 10 minute ke liye chore den aur phir sabun se dho len. Ammonia ke ilawa aap daagh mitanay ke liye namak bhi istemaal kar sakti hain. Safaid kapron se khoon ke dhabbe hatane ke liye dhabbe wali jagah ko 5 ghanton tak doodh mein bigoain aur phir garam pani aur sabun se ragar kar dho yin to daagh utar jata hai.


Agar munasib dhulai ke bawjood kapron se chai ya coffee ke daag dhabbe saaf nah ho rahay hon to mandarja zail totkay istemaal karne se daag ba aasani utar jayen ge.


Agar kisi kapray par purana chaye ya kaafi ka daag laga hoto daagh par suhaga ragrain aur garam pani se dhowen, daag utr jaye ga. Kapron se chai ka daag daur karne ke liye daagh wali jagah ko chand minton ke liye alloo ke pani mein dboyin aur sabun se dho len. Iske ilawa daagh par spratt lagayen, chand minute baad name garam pani aur sabun se dho len.


Agar safed kapde par chai ya coffee ke daag par jaye to usay hydrogen par oxide laga kar chand minton ke liye dhoop mein rakh den, dhoney par daag mit jaye ga. Agar daag kisi reshmi kapray par lag jayen to un par glycerin lagaakar chand minton tak chore den aur phir garam pani se dhowen. Safaid soti dhaagay ke kapray par lagey daag par kholta hwa pani dalain daag mit jayen ge.


Chai ya coffee ke daag par bleaching powder aur pani laga kar 5 se 10 minute ke liye dhoop mein rakh den. Khushk honay par garam pani se ragar kar dhowen. Iske ilawa chai ya coffee ke daag ko utaarnay ke liye daag par petrol lagayen avrchnd minute baad garam pani aur sabun se dhowen, daag aasani se saaf ho jaye ga.


Agar munasib dhulai ke bawjood kapron se paan ke daag dhabbe saaf nah ho rahay hon to mandarja zail totkay istemaal karne se paan ke daag ba aasani utar jayen ge.


Kapron se paan ke daag dhabbe hatane ke liye phitkari ka powder daagh par milein, chand minute baad name garam pani aur sabun se dhowen. Iske ilawa agar paan ke dagoon par kacha amrood ragra jaye to bhi daagh utar jata hai.


Paan ke daagh utaarnay ke liye daag par pyaaz ragar kar thori der chhorhdin, phir sabun se dhowen. Paan ka daag agar safaid kapron par ho to daag par choona laga kar chore den, dosray din ragar kar dho len. Iske alawa paan ke daag walay hissay ko gandhak ka dhuwan dainay se bhi daagh mit jata hai.


Agar munasib dhulai ke bawjood kapron se salan ke daag dhabbe saaf nah ho rahay hon to mandarja zail totkay istemaal karne se daag ba aasani utar jayen ge.


Reshmi kapray par salan ke daag mitanay ke liye daag par foran telkom powder chidak den, powder tamam chiknai jazb karle ga. Khushk honay par name garam pani se achi terhan ragar kar dho len. Iske alawa saalan ke daagh par glycerin lagaakar 30 minute tak chore den phir sabun se dhowen to daag mit jata hai.


Salan ke daag par sabun ki tikiya gili kar kay ragrain aur chnd minute dhoop mein sokhne den. Jab sookh jaye to neem garam pani se ragar kar dhowen daagh mit jaye ga. Paan wala chuna aur chalk powder barabar wajan mein le kar gaarha paste bana len, aur brush ki madad se daag par bara bara laip kar den, sokhne par brush se ragar kar dho len.


Reshmi, soti, ooni, cotton ya kisi bhi qisam ke safaid aur rang daar kapron se har qisam ke daagh utaarnay ke liye mandarja zailtotkay istamal karen.


Agar kapron par phalon maslan kelay, jaman, anar, strawberry waghaira ke daag lag jayen to pehlay daagh par lemon ragarin aur phir sabun laga kar garam pani se dho len.


Ooni ya reshmi kapron par agar kisi bhi qisam ka daag lag jaye to daagh par glycerin laga kar ammonia ke patlay pani mein bigho den. Ek ghantay baad thanday pani se dhoney par daagh saaf ho jatay hain. Kapron se matti ke daagh utaarnay ke liye dagoon par aalo kaat kar ragrain ya daagh par petrol laga kar dhoop mein rakh den daagh urr jaye ga.


Kapron se zang ke daag utaarnay ke liye dahi ki chaaj mein zeng wala hissa bigho den. Chand minute baad Azelaic acid se dag saaf karen. Iske alawa zeng ke daagh par lemoo ka ras ya sirka laga kar thori der ke liye chore den, daagh saaf ho jaye ga. Kapron se koltaar ke daag utarne ke liye dhagoon par petrol laga den, thori der baad name garam pani se dho dalain.


Kapron se makeup ke daag utarne ke liye daag par glycerin lagayen aur 10 minute baad geelay sponge se saaf kar len. Mehndi ke daag utarne ke liye khane wale chune ka paste bana kar daagh par lagayen aur sookh jane par brush se ragar kar dho len.

Agar kapron ke rang urrnae ka masla ho to 1 chamach lemon juice mein 1 chamach sirka aur thora sa pani mila kar dhabbe par lagayen aur taiz dhoop mein rakh den, daag dhabbe saaf ho jayen ge.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Adsense Ads