Manicure karne ka tarika

Home and French manicure in Urdu

Khushi ka koi mauqa ho khawateen josh o kharosh se tayyar hoti hain, aur woh chahti hain ke un ke kapray, jootay make up ke sath sath hyir stayl munfarid aur behtareen hon. Is liye fashion magazine, TV drama aur artist ke malbosaat se ideas liye jatay hain. Hatta ke khawateen modern nazar anay mein kisi bhi terhan se tayyar honay ka mauqa haath se jane nahi detin.

Yeh baat aam dekhnay mein aayi hai ke itni tayari ke bawajood khawateen kapron, jooton aur chehray ki nisbat hathon ki munasib dekh bhaal mein laparwai ka muzahira karti hain. Tabhi chehra to chamak raha hota hai lekin hathon par jhuriyan, nakhunon ki kharabi aur hathon ki jald khushk aur khrdri par jati hai jabkay mehngi jewelery aur neel polish istemaal karne ke bawajood hathon ki khoubsurti jon ki ton rehti hai.

Khurdaray, jhuriyon bharay hath aur khatay pathay nakhun poori shaksiyat ka Waqar majroo kar dete hain. Chehray ki terhan hathon ki jald bhi bohat naram hoti hai aur mausam ke asraat se is par foran jhuriyan par jati hain, isi liye chehray ke sath sath haath bhi achi khasi tawajah chahtay hain.

Mandarja zail mein gharelo manicure aur French manicure ke tareeqay bayan kiye gaye hain jin ko istemaal kar ke aap beauty salon jaye baghair hi ghar par apne hathon ki khurdry, jhuriyon wali jild ko naram o mulaim aur katay pathay nakhunon ko lamba aur mazboot bana sakti hain.

Home manicure tutorial


Insan ki shakhsiyat mein jis terhan uski soorat ehm kirdar ada karti hai isi terhan dilkash, naram o mulaem aur naazuk haath bhi insaan ki shakhsiyat bananay mein ahem kirdaar ada karte hain. Mosami tabdeeli ke bais nah sirf hathon ki hasas jild ke kharab hone ka khadsha hota hai balkay nakhunon ke bad rang honay ke imkanaat bhi barh jatay hain. Is liye apke nakhunon aur hathon ko mamool se ziyada dekh bhaal ki zaroorat hoti hai.

Hathon aur nakhun ki khubsurti aur dilkashi badhaane ke liye aap beauty polar jaye baghair ghar mein hi mukhtasir waqt mein apna behtareen manicure kar sakti hain. Ghar par manicure karne ke liye aap ko mandarja zail cheezon ki zaroorat ho gi.

  1. Nail filer aur nail varnish
  2. Nail polish aur nail polish remover
  3. Cuticle massage cream ya lotion
  4. Moisturizing cream ya lotion
  5. Cuticle pusher, Nail cutter aur towel

Ghar par manicure karne ke liye mandarja zail tareeqa par amal karen aur hathon ko khobsorat o naram o mulaem banayen.


Sab se pehlay hathon ko sabun ke sath achi tarah dhowen, phir towel se hathon ko khushk kar ke nakhunon par lagi nail polish ko nail polish remover se saaf kar len.


Scrub banane ke liye thori miqdar mein tail aur cheeni le kar un ko aik plastic ke bartan mein achi terhan mila kar rakh den. Agar nakhun badh gaye hon to inhen munasib lambai tak kaat len aur nakhunon ko filer ki madad se file kar len. Nakhunon ke ird gird ubhri hui jald ko cuticle cutter ki madad se kaat den.


Nakhunon ko filer ki madad se munasib shakal dainay ke baad cheeni aur tail ke banaye gaye scrub se hathon par ahistagi ke sath 5 minute tak massage karen. Phir saaf kiye baghair taaza pani se hathon ko dho kar toliye se khushk kar len.


Ab hatho ko 5 minute ke liye garam pani se bhar bartan mein duboye rakhen. uskay baad cuticle massage cream ya lotion se nakhun ke ird gird jild par massage kareen aur cuticle pusher ki madad se nakhun ko peeche ki taraf ahistagi se dhakel kar un mein phansi izafi chamri ko cuticle cutter ki madad se kaat len.


Iske baad moisturizing cream ya lotion ke sath hathon par 5 se 10 minute tak massage karen taakay be jaan aur khurdre jild mein nikhaar peda ho jaye. Moisturizing cream ki bajaye aap hathon ke massage ke liye lemon ke ras ka istemaal bhi kar sakti hain.


Massage karne ke baad aik chota toliya len aur usay oven mein garam honay ke liye rakh den. garam honay par toliye ko hathon ke gird 3 se 5 minute ke liye lapait den. Iske baad toliye ko hathon se utaar kar hathon ko achi terhan khushk kar len.


Aakhir mein nakhunon par matlooba rang ki nail polish lagayen aur usay khushk honay den. Nail polish khushk honay par nakhunon par nail varnish laga kar usay 15 minute ke liye khushk honay den. jab nakhun mukammal tor par khush ho jayen to halka sa moisturizing lotion apne hathon par laga len.

Is gharelu manicure se aap ke hath nah sirf narm o mulaem aur khobsorat dikhayi den ge balkay hathon ke massage ke zariye hathon par mojood jhuriyon aur khurdaray pan ka bhi khtama ho jaye ga.

French manicure tutorial


French manicure ki khususiyat yeh hai ki is mein nakhun ke oopri hissay par halkay pink shade ki nail polish lagai jati hai nakhunon ke suron ko safaid nail polish se muzayyan kya jata hai, jo hathon ki khoubsurti mein izafay ke sath infiradiat ka ta-assur deta hai.

Ghar par French manicure karne ke liye aap ko mandarja zail ashya ki zaroorat ho gi.

  1. Nail filer aur cuticle cutter
  2. Nail polish remover
  3. Cuticle massage cream ya lotion
  4. Cuticle cutter, pusher aur towel
  5. Pink aur white color ki nail polish

Ghar par French manicure karne ke liye mandarja zail trakia par amal karen.


Sab se pehlay apni ungliyo ke lihaz se nakhuno ko taraash kar durust shape mein le ayen. Aur nakhunon par pehlay se lagai gayi nail polish, nail polish remover se saaf kar den aur filer ki madad se nakhunon ko file kar len.


Hathon se murda khaal utaarnay aur jild ko naram o mulaem bananay ke liye aik bartan mein 2 letter pani dalain is mein hand shampoo, lemon juice ke chand qatray, roghan Zaitoon aur thori si cuticle ream daal kar mehlool banalen aur is mein hathon ko 10 se 15 minute tak ke liye duboye rakhen.


Iske baad sekrab se hathon par scrubing karen taakay un par se murda khaal utar jaye. Iske ilawa aap cheeni ya namak ka istemaal bhi bator sekrab kar sakti hain. Scrubing ke baad hathon ko dho kar toliye se khushk kar len.


Nakhun ke ird gird ki izafi jild ko utarne kelay cuticle cutter ka istemaal karen. Aur kisi achay hand lotion ya cream se hathon ka massage karen. Massage ke liye aap Zaitoon ka tail bhi istemaal kar sakti hain.


Aakhir mein nail polish se nakhun ko saja len. Jaisa ke aap janti hain ke French many cure mein nakhunon ko polish karne ka makhsoos tareeqa hai. Iske liye pink color ki nail polish se nakhunon par single coat lagayen aur khushk honay den.

Iske baad nakhunon ke suron par matawazi andaaz mein safaid nail polish lagayen. Jab safaid nail polish khushk ho jaye to is par pink colour ki nail polish ka aik top coat den taakay nail polish ka ta-assur behtar andaaz mein qaim ho sakay.

Lijiye aap ka French many cure mukammal ho gaya ab fakhr ke sath logon mein jayen aur sab ki tareef wusool karen. Yeh tareeqa hafte mein ek baar zaroor dohraye taake aap ke haath taro taaza aur sehat mand rahen.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Please enter a CAPTCHA value. *