You are now here at: HomeMakeup tips aur tutorialPedicure karne ka tarika
Pedicure tips in Urdu
Makeup tips aur tutorial

Pedicure karne ka tarika

Paon hamare jism ka sab se ziyada istemal hone wala uzoo hain. Hum mein se bohat se log yeh soch kar peeron ko nazar andaaz kar dete hain ke hamaray paon to doosron ki nazron se chupay hue hain. Paiir chunkay hamare jism ka wazan uthatay hain is liye jism ke dosre hisson ki terhan un ki nighdasht bhi bohat zaroori hai. Saaf suthray paon aap ko musarrat ka ehsas dilatey hain aur jism ke dosray hisson ki terhan baqaida nighdasht ka herat angaiz jawab dete hain.

Agar paon ki munasib dekh bhaal nah ki jaye to waqt guzrne ke sath sath paon bad soorat ho jatay hain aur baaz logon ko arrio ke pathney jaisay masail ka saamna karna parta hai. Agar aap apne paon ko sehat mand aur khobsorat banana chahti hain to paon ki roz maraah dekh bhaal ke sath sath un ka mahinay mein kam az kam 2 baar pedicure zaroor karen.

Pedicure karne ka tarika


Pedicure karne ke liye ab aap ko Beauty salon jane ki zaroorat nahi. kyunkay aap apne paon ki khoubsurti ko barqarar rakhnay aur gharelo pedicure karne ke liye mandarja zail tips ki madad se ghar mein hi ba-aasani pedicure kar sakti hain.

Pedicure ke liye aap ko un cheezo ki zaroorat ho gi, jinhein istemal mein laa kar aap nah sirf beauty salon mein kiye gaye be ja akhrajaat ko control kar sakti hain balkay ghar baithy behtareen andaaz mein apne paon ka Pedicure bhi kar sakti hain.

Ghar par pedicure karne ke liye aap ko mandarja zail cheezon ki zaroorat ho gi.

  1. Nail filer, Nail aur cuticle cutter
  2. Pumice stone, Plastic ka tub
  3. Moisturizing lotion, liquid soap
  4. Cotton, namak aur Zaitoon ka tail
  5. Nail polish, Nail polish remover aur Nail varnish

Ghar par pedicure karne ke liye mandarja zail tareeqa par amal karke khurdaray aur bad soorat paon ko khobsorat aur naram o mulaem banayen.


Agar aap ke paon par pehle se nail paint laga hwa hai to pedicure se pehlay usko utaarna nah bhulen. Nail polish ko utarne ke liye cotton pad ya roi ke tukron ko nail polish remover se bigho len, phir in tukron ko paon ke nakhunon par narmi se raghrte hue nail polish utaar len.


Iske baad paon ki safai ke liye plastic tup mein itna name garam pani len ke un mein paon achi terhan doob jayen. Phir neem garam pani me liquid soap aur namak mila kar is mein paon ko taqreeban 5 minute tak bhega rehne den. Iske baad peeron aur arion ko pumice stone se achi terhan ragrain.

Is se nah sirf apke peeron par jami mil saaf hogi balkay peeron ki ragein bhi pursukoon ho jayen gi.

Note: Jab bhi aap aik paiir ki safai kar rahi hon to dosray paiir ko pani ke tup mein bhega rehne den.


Phir apne pairo ko toliye ki madad se khush kar len aur paon ke nakunon ki safai ke liye har naakhun par Zaitoon ka tail lagayen, is se naakhun naram ho jaien ge. roghan Zaitoon nakhunon par mojood murda khalion ko saaf karne mein Muawin saabit hota hai. Chand qatray roghan Zaitoon ke nakhunon ke aas paas ki jild par lagayen aur massage karen, phir nakhunon ke kinaroon ko cuticle pusher ki madad se aaraam se peechay ki taraf psh karen aur un mein phansi mil saaf karen.


Agar aap ke peeron ke naakhun ziyada barray ya lambay hain to inhen neel kattar ki madad se munasib lambai tak kaat len. Is baat ka khayaal rakhen ke naakhun kaatetay waqt nakhunon ko bohat andar tak katnay se guraiz karen. Kyunke yeh amal nah sirf apke paon mein dard ki wajah bantaa hai balkay is terhan paon ke nakhunon se khoon rasnay ka imkaan bhi barh jata hai.


Nakhun katne ke baad kate hue nakhun ko barabar karne ke liye un par nail filer ka istemaal karen. Iske baad nail buffer ka istemaal karen, nail buffer istemaal karne se nah sirf nakhunon ka khurdara pan khatam ho ga balkay nakhunon mein chamak bhi runuma ho gi.


Ab kisi miaari moisturizing lotion ki madad se paon ka massage karen. Apne paon ka massage is andaaz se karen ke is se nah sirf paon ko shagufata aur mulaem nikhaar miley balkay aap ke peeron ke masamon se thakawat bhi daur ho jaye.


Aakhir mein toliye ki madad se peeron ko ek baar phir khushk kar len. Iske baad nakhunon par munasib rang ki nail polish lagayen aur 5 se 10 minute tak ke liye nail polish ko khushk honay den. Is ke baad nail varnish lagayen aur 15 minute tak khushk honay den.

Lijiye aap ka gharelu pedicure mukammal ho gaya. Ab aap ke paon pehlay se ziyada shandaar, naram o mulaem aur khobsorat dikhayi den ge. Pedicure ka yeh amal aap mahine mein 2 dafa zaroor dohrayen is se nah sirf aap ke paon khobsorat aur saaf dikhayi den ge balkay yeh amal apkee thakawat daur karne mein bhi Muawin saabit ho ga.

Gharelu pedicure ke tarike


Jaisa ki aap jante hain ke pedicure karne ke liye kaafi srmaya aur waqt darkaar hota hai. Agar aap ke paas pedicure ke liye jyada waqt aur srmaya nahi hai to mandarja zail mein pedicure ke kuch tareeqay bayan kiye gaye hain jo sastay honay ke sath sath kam waqt mein behtareen nataij dete hain.


Is tarike se pedicure karne ke liye aap ko mandarja zail cheezo ki zaroorat ho gi.

  1. Epsom salt – 1/2 cup
  2. Lavender oil – 20 qatray
  3. Gulab ke phool ki pattiyan – muthi bhar
  4. Sooraj makhi ka tail – 1/4 cup

Aik plastic tub mein name garam pani daal kar is mein 1/2 cup namak, 10 qatray lavender oil aur phoolon ki pattian dalain aur is mein taqreeban 10 minute ke liye paron ko bigoain. Iske baad 1 pyaale mein roghan angoor ya Sooraj makhi ka tail aur 10 qatray lavender oil ke daal kar mila len aur is se paon ka massage karen. Iske baad paon khaas tor par talwon aur ariao ko khanay Dar pathar (Pumice stone) se achi terhan ragar ‫n aur neem garam pani se dho len.


Is tarike se pedicure karne ke liye aap ko mandarja zail ashya ki zaroorat ho gi.

  1. Nail cutter, Pumice stone ya khanay daar pathar
  2. Plastic tub, toliya (towel)
  3. Neem garam pani, Dettol aur liquid soap
  4. Moisturizing lotion ya cream

Sab se pehlay paon ke nakhunon ko munasib lambai tak kaat len, amuman paon ke nakhunon ko Halal shakal ki bajaye seedhay kaatein. Iske baad plastic tup mein neem garam pani, sabun aur dettol mila len aur 5 minnat tak peeron ko is mein duboye rakhen. Iske baad pumice stone ya khanay daar pathar ki madad se ayrhyan saaf karen. Ab paon bahar nikal kar toliye ki madad se achi terhan saaf kar len aur moisturizing cream ya lotion se paon ka massage karen.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Adsense Ads