Siyah halke khatam karne ka tarika

Dark circles beauty tips in Urdu

Yun to har insaan hi khubsurat aur Haseen nazar aana chahta hai, magar jab baat ho sanaf naazuk ki to khobsorat nazar aana aur bhi ziyada zaroori samjha jata hai. Agar kisi khatoon ke chehray par chhota sa dana nikal aaye to oh is se nijaat haasil karne ke liye kya kya jatan nahi karti. Bohat si khawateen apne rang ko gora karne, chehray se daagh dhabbay khatam karne aur khobsorat dikhayi dainay ke chakkar mein apni aankhon ke gird mojood siyah halke nazar andaaz kar deti hain. Jab ke dekha jaye to yahi siyah halqay un ki saari khoubsurti ko manind kar dete hain.

Aankhon ke gird mojood siyah halke aapki khoobsurati ko manind karne ke sath sath chehray ki taazgee ko bhi khatam kar dete hain. Aankhon ke neechay siyah halke banne ki bohat si vjohat ho sakti hain maslan depression ya stress, neend ki kami, chai ya kaafi ka ziyada istemaal, computer ya TV screen ko ziyada der dekhna, kamzoree aur barhti hui umar waghera.

Pehlay pehal aankhon ke gird siyah halqon ke nishanaat bohat kam aur halkay hotay hain lekin munasib dekh bhaal nah karne ki wajah se halqon ke nishanaat gehray hona shuru ho jatay hain jo kaafi bad numa lagtay hain. Khawateen ke alawa mard bhi siyah halkon ki wajah se pareshan rehtay hain. Mardon mein ankhoo ke gird siyah halqay banne ki vjohat umooman zehni tanao, cigrette noshi aur chiknahat wali ghzaon ka ziyada istemaal ha.

Mandarja zail mein aap ke liye siyah halqon se nijaat ki tips aur gharelo totkay bayan kiye gaye hain. jin par amal kar ke aap aankhon ke gird ban’nay walay siyah halqay khatam kar sakti ya satke hain.

Siyah halke khatam karne ke tareeqay

Aankhon ke gird mojood siyah halke aap ki khoubsurti ko gehna dete hain, jin ke baais hum mein se aksar mard o khawateen siyah halqon se nijaat panay ke liye be panah paisa kharch karte hain magar phir bhi haath kuch nahi aata. Yahan aapko siyah halkon se nijat hasil karne ke liye chand mufeed aur kaar amad tips batayi ja rahi hain, jo siyah halke khatam karne ke ilawa aankhon ki khoubsurti mein izafah karte hain.


Aankhon ke gird mojood siyah halkon ko kam karne ke liye zaroori hai ke rozana kam az kam 8 ghantay ki neend poori ki jaye. Smart phone ka istemaal mehdood karen bil-khasos andheray mein usay bilkul istemaal nah karen.

Isskay ilawa computer aur TV screen se munasib faasla rakhen aur screen par nazar mat jamaye rakhen, balkay thori thori der baad aankhon ko aaraam den, taakay aankhon par parney wali muzir roshni se ankhen mehfooz rahen.


Aankhon ke gird Vitamin A ya E ka tail lagane se siyah halke chand dinon mein khatam ho jatay hain. Vitamin A ya E ke tail ka istemaal had se ziyada mat karen warna is ka assar ulta par sakta hai. Siyah halqon ke liye roghan badam aur Zaitoon behtareen hai.


Ek kela, 1 pao amrood or 1 pao Papita ki chat bana kar khanay se chand din mein siyah halke khatam ho jatay hain. Ek glass tmatron ke juice mein 1 lemoo ka ras, 3 se 4 pattay podeenay aur hasb zaroorat namak daal kar pi len, chand din ke mustaqil istemaal se halqay khatam ho jayen ge.


Lemo ke ras mein chand qatray roghan chambeli mila kar raat ko sonay se pehlay halqon par lagayen. Iske alawa malmal ke kapde ko taza narangi ke ras mein bigho kar aankhon par rakhnay se siyah halke chand din mein khatam ho jatay hain.


Tea bag aankhon ki jild ki sujan aur jalan ke sath sath siyah halqon ko khatam karne mein nihayat mufeed hain. In ko chaye bananay ke baad phainknay ki bajaye raat bhar fridge mein rakh den aur subah nikaal kar aankhon par 10 minute tak rakhen to siyah halke khatam ho jatay hain.

Siyah halke khatam karne ke gharelu totkay


Aankhon ke gird siyah halke khatam karne keliye kisi dr ke paas jane ki zaroorat nahi. Balkay aap mandarja zail gharelo totkay istemaal kar ke chand din mein siyah halqon se mukammal nijaat haasil kar sakti ya satke hain.


Yeh gharelo totka aankhon ke siyah halke khatam karne aur aankhon ki jalan aur soojan kam karne mein be had mufeed hai. Paste bananay ke liye aap ko mandarja zail ajzaa ki zaroorat ho gi.

  1. Tamatar ka juice – 1 chamach
  2. Lemon ka ras – 1/2 chamach
  3. Besan – 1/2 chutki
  4. Haldi – 1/2 chuttki

Ek chamach tamatar ke juice mein haldi, besan aur lemon ka ras shaamil kar ke achi terhan mix karen aur paste bana len. Paste ko aankhon ke gird taqreeban 10 minute tak lagayen aur baad mein thanday pani se dho len. Chand din ke baqaida istemaal se siyah halke khatam ho jayen ge.

Iske alawa tamatar ke juice mein lemon ka ras mila kar din mein 2 baar halqon par lagayen, chand din ke istemaal se halke mukammal khatam ho jayen ge.


Iss gharelo totkay se siyah halkon ko khatam karne ke liye aap ko mandarja zail ashya ki zaroorat ho gi.

  1. Pani – 1 cup
  2. Green tea – 1 chamach
  3. Badyaan e khaati – 1 Adad
  4. Timatar – 1 Adad
  5. Aalo – 1 Adad
  6. Roghan badam – hasb zaroorat

Ek cup pani ko kisi bartan mein daal kar ubal lain aur aanch se utaar kar is mein sabz chaye aur badyaan khaati daal kar 15 minute keliye rakh den. Isske baad darmiyanay size ka aalo aur timatar le kar inhen kaddu kash karne ke baad inhen malmal ke kapray mein daal kar ras nikaal len. Isske baad aloo tamatar aur tea bag wali mixture ko aapas mein mix kar len aur kisi bottle mein daal kar mehfooz kar len.

Mixture ko apply karne se pehlay roghan badam se aankhon ke gird massage karen aur phir 2 cotton pad le kar inhen mixture mein duubo kar aankhon par rakh den. 20 minute baad thande pani se aankhon ko dho len. Behtareen nataij ke liye is amal ko din mein kam az kam do baar aik haftay tak istemaal karen.


Aankhon ke gird siyah halke aur jalan khatam karne ke liye gharelo cream jo bazari krimon ke muqablay mein 100% qudrati ajzaa par mushtamil hai be had mufeed hai. Cream bananay ke liye aap ko mandarja zail ajzaa ki zaroorat ho gi.

  1. Arq e ghulab – 2 chamach
  2. Sabz chai ki patti – 3 chamach
  3. Moisturizing lotion – 1 cup
  4. Balai – 1/4 cup
  5. Vitamin K cream – 5 gram
  6. Brown sugar ya shukar – 2 chamach
  7. Long – 2 Adad

Blender mein arq e ghulab, sabz chai ki patti, moisturizing lotion, balai, Vitamin k cream, brown sugar aur long daal kar kareem banayen aur ek bottle mein daal kar fridge mein mehfooz kar len. Din mein 2 martaba kareem ki thori se miqdaar aankhon ke gird laga kar 10 minute tak halke hathon se massage karen. 2 hafton ke baqaida istemaal se siyah halqay khatam ho jayen ge.

Iske alawa yeh cream honton ki siyahi aur stretch marks (bachay ki paidaiesh ke baad pait par parney walay nishanaat) khatam karne ke liye bhi istemaal ki ja sakti hai.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Please enter a CAPTCHA value. *