You are now here at: HomeBeauty tips aur totkaySkin whitening tips and totkay
Skin whitening tips aur Urdu totkay
Beauty tips aur totkay

Skin whitening tips and totkay

Jild ki rangat qudrati tor par safaid, gandumi ya siyah is mein paye jane walay khalion ki wajah se banti hai, magar uskay ilawa mosmi halaat, aabb o hwa, Sooraj ki shu’ayen, maholiyati aloodgi, jild ki khushki aur munasib dekh bhaal nah honay ki wajah se bhi jild ki rangat siyah par sakti hai.

Haseen nazar aana aurat o mard ki fitri khwahish hai, aur khaas tor par aurtain mardon ke muqablay husn ke muamlay mein ziyada hassas aur fikar mand hoti hain. Baz mard aur khawateen apne sawle rang ki wajah se ehsas kamtaree ka shikaar ho jatay hain, halaank sanwalay rang ki ahmiyat apni jagah hai, aur safaid rang ki terhan sanwla rang bhi kashish ka baais hota hai.

Jin mard o khawateen ki rangat siyah ya gandumi hai woh chahtay hain ke un ki rangat gori chti ho aur woh baqi logon ki terhan khobsorat o Haseen nazar ayen. aksar auqaat woh goray rang ke husool ke liye bazaar mein milnay wali ghair miaari skin whitening reams aur lotions ka be daregh istemaal karte hain. Jo waqti faida to dete hain lekin un ghair miaari skin whitening creams ke istemaal se jild mazeed badsoorat aur bimarion ka shikaar ho jati hai.

Agar aap bhi Haseen o Jameel aur khubsurat jild ke khuwa hain tu mandrja zail mein aap ke liye skin whitening tips aur gharelo totkay betaye gaye hain. Jo bazari creams ke muqablay mein qudrati aur miaari hain. Jin ko istemaal karne se nah sirf aap ki jild chand hafton mein safaid aur Haseen ban jaye gi balkay aap mukhtalif jildi bimarion ka shikaar bhi nahi hongi.

Skin whitening tips


Aksar khawateen aur mardon ki jild aankhon aur honton ke gird baqi jild ki nisbat ziyada siyah par jati hai, jo un ki khoubsurti ko maand kar deti hai. Agar aap apni jild ko beauty aur skin whitening creams ke baghair safaid aur Haseen banana chahti ya chahtay hain to jild ki munasib dekh bhaal karen.

Jild ki khubsurti mein izafa ke liye jald bazi ki bajaye sabr o tahammul se kaam len aur intehai saada aur qudrati ashya ka istemaal karen. Jild ki munasib dekh bhaal aur is mein qudrati nikhaar peda karne ke liye mandarja zail skin whitening tips par amal karen.


Bajray ka atta aur paneer tamatar ke juice mein milain aur chehray par lagayen. Taqreeban 20 minute baad thanday pani se chehray ko dho len. Iss se aap ke chehray se daagh dhabbay daur ho jaye ge aur rang safaid ho jaye ga.


Ek chai ki chammach besan me 2 chammach doodh aur 3 se 4 qatray lemoo ka ras daal kar bat banayen aur chehray par laip kar den, 15 minnat tak laga rehne den aur phir mun dho len. 4 hafton tak usay rozana istemaal karen uskay baad haftay mein 1 dafaa istemaal karne se chehray ki rangat gori ho jati hai.


2 chaye ke chamach besan mein 4 chamach doodh aur 1 chamach shehad mila kar tamam cheezon ko achi terhan mix karen. Chehray par lagayen aur taqreeban 20 minute baad mun dho dalain. Iss mask ko hafte mein kam az kam ek baar istemaal karne se chehray ki jild taro taaza aur safaid ho jati hai.


Ek chamach khairay ya muli ke ras mein aadha chamach lemoo ka ras, 1 chamach haldi aur 1 chamach makhan mila kar paste bana len. Paste ko chehray par lagayen aur khushk ho jane par name garam pani se dho len. uskay baad thori si glycerin mein arq ghulaab mila kar chehray par lagayen. Chand din ke istemaal se hi rangat safaid aur jild naram o mulaem aur chamakdar ban jaye gi.


Raat ko 1 cup pani mein 6 Adad badam bhigo kar rakh den, subah inhen chheel kar pees len. badam ke paste mein 1 chamach shehad mila len aur chehray par mask ki terhan lagayen. 20 minute baad chehra name garam pani se dho len. Mask ka 4 hafto tak baqaida istemaal jild ko nikharta hai aur rangat ko surkh o safaid bana deta hai.

Skin whitening totkay


Jild ko jazib nazar, khubsurat aur haseen banane ke liye sadiiyon se mard o khawateen gharelo totkay istemaal karte arhay hain. Jo azmooda hone ke sath sath jild ko pur ronaq banane mein bohat kaar amad hain. Unhi azmooda totkon mein se mandarja zail mein chand skin whitening totkay betaye gaye hain jo 100% qudrati honay ke sath sath muzir ajzaa se pak, sastay aur miaari honay ke ilawa mard o khawateen ki siyah jald ke liye yaksaa mufeed hain.


Siyah rangat ko surkh o safaid aur khobsorat bananay ke liye ghair miaari bazari krimon ki bajaye apni gharelo cream banayen aur chand din mein gori ho jayen. Gharelo skin whitening cream banane ke liye aap ko mandarja zail ajzaa ki zaroorat ho gi.

  1. Chandan – 1/4 cup
  2. Dahi – 4 khanay ke chamach
  3. Besan – 1 cup
  4. Hydroquinone cream – 5 gram
  5. Multani matti – 2 khanay ke chamach
  6. Gannae ka ras – 1/2 cup
  7. Arq e ghulab – hasb zaroorat

Blender mein chandan powder, besan, dahi, gannae ka ras, arq e ghulab, Hydroquinone cream aur multani matti daal kar mix kar len. Jab tamam ajza achi tarah yak jaan ho jaye to usay hathon aur chehray ki jild par lagayen. Taqreeban 30 minute baad pani se dho lein. Yeh cream rang gora karne ke ilawa lataki hui jald ko bhi tihgt karti hai.


Skin whitening ubtan siyah jild ko safed aur khubsurat banata hai, jild mein mojood murda khalion ko saaf karta hai, band masamon ko kholta hai, jild ki taro taazgee ke sath sath daagh dhabbon aur jhuriyon ka khtama bhi karta hai. Skin whitening ubtan banane ke liye aap ko mandarja zail cheezon ki zaroorat hogi.

  1. Gehun ka atta – Aadha pao
  2. Haldi – 1 tola
  3. Besan – Aadha pao
  4. Sandal safaid – 1 tola
  5. Santray ke khushk chilke – 1 chatak
  6. Sarson ka tail ya balai – 1 chamach

Santray ke khushk chilke, haldi aur sandal safaid ko bareek pees kar besan aur Gehun ke attae mein achi terhan mila len aur kisi khulay mun wali sheeshi mein rakh den. Rozana thoda sa ubtan len aur usse pani ya doodh mein mila kar paste bana yin aur is mein sarson ka tail ya balai shaamil kar len.

Isske baad ubtan ko chehray aur hathon par lagayen, 15 minute tak massage karen aur dho len. 2 hafton tak baqaida istemal se aap ka chehra jagmaga utthay ga rangat safaid ho jaye gi aur kisi cream ke istemaal ki zaroorat bhi nahi rahay gi.


Skin whitening mask siyah jild ko safed banane, jild se daagh dhabbay khatam karne aur jhuriyan mitanay ke liye behtareen aur sasta mask hai. Mask banane ke liye aap ko mandarja zail ajza ki zaroorat hogi.

  1. Milk powder – 1 chai ka chamach
  2. Shahad – 1 chai ka chamach
  3. Roghan badam – aadha chai ka chamach
  4. Lemon ka ras – 1 chaye ka chamach

Ek pyale mein, shehad, milk powder, lemon ka ras aur badam ka tail achi terhan mix kar ke paste bana len aur chehray par lagayen, 10 se 15 minute baad chehray ko pani se dho dalain. Mask ko hafte mein kam az kam do baar istemaal karne se chand din mein aap ke chehray par chamak aajay gi, daagh dhabbay khatam ho jaye ge aur rangat gori ho jaye gi.


Skin whitening lotion siyah jild ko chand dino mein surkh o safaid banata hai aur jin logon ki rangat siyah hai un ke liye behtareen hai. jild par mojood daag dhabbe aur acne, blackheads waghera ko saaf karne mein bhi mufeed hai. Skin whitening lotion banane ke liye aap ko mandarja zail ajzaa ki zaroorat ho gi.

  1. Sandal powder – 1 khanae ka chamach
  2. Multani mitti – 1 chamach
  3. Hus ne Yousuf – 1/4 chamach
  4. Murdaar sing – 1/4 chamach
  5. Arq e ghulab – hasb zaroorat

Upar diye gaye tamam ajza ko kisi bartan mein achi terhan mix kar len aur arq e ghulab daal kar paste bana len. Chehray, gardan aur hathon par achi terhan lagayen aur halkay hathon se 10 minute tak sekrab karen, aur khushk honay par dho len. Is lotion ka istemal aap ki jild ko saaf wo shafaaf, safaid aur naram o mulaem banata hai.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Adsense Ads