Asthma ka ilaj

Asthma in Urdu

Dama jisay tib mein asthma ke naam se jana jata hai saans ki bimari hai jis mein mareez ko saans lene mein dushwari, saans lene ke duran kharkharahut ki aawaj aana aur seene ki jakran waghera jaise masail ka samna karna par sakta hai.Agar is marz ki barwaqt tashkhees na ki jaye to mareez rafta rafta mout ke mun mein chala jata hai.

Asthma ke marz ka koi makhsoos ilaaj nahi hai lekin har waqt tashkees hone par usay mazeed bharne se roka ja sakta hai. Mandarja zail mein dama ka marz lahaq hone ki aam wajohat, alamaat aur atyati tadabeer ke alawa asthma ke marz se nijaat ke gharelo totkay betaye gaye hain jin par amal kar ke aap is moozi aur jaan lewa marz se nijat hasil kar sakte hain.

Asthma in Urdu

Asthma causes

Tashkees umooman asthma ke marz mein mubtala hone ki barri wajah nizaam tnfs (Saans ki nallion) ki kharabi ya phephron ki nallion ka bareek ho jana tasawwur kya jata hai. Jab ke doctors ke mutabiq uske alawa aur kayi wajohat jaisay allergy, cigarette noshi, nasha aawar adwiyat ka istemal, dhool mitti aur hawai aloodgi wagera ho sakti hai.

Jab ki yeh marz kisi bimari jaise dil ke amraz, tonsils ke bharne, kabz, badhazmi, depression waghera ki wajah se aur moroosi tor par bhi lahaq ho sakta hai.

Asthma causes in Urdu

Asthma Symptoms

Asthma ke marz ki barri alamat khansi ka hona hai jo raat ke waqt shadeed ho jati hai. Is ke ilawa saans lene mein shadeed takleef, saans ka phoolna, seene par bharipan mehsoos hona, peshab ki zyadti, jismani thakan aur douran neend bechaini waghera jaisi alamaat bhi shamil ho sakti hai.

Note:- Asthma ke marz mein mubtala mareezon mein aik waqt main aik ya do alamaat jab ke kuch mein back waqt ziyada alamat zahir ho sakti hain. Is liye koshish karna chahiye ki alamat zahir honay ki soorat mein jald az jald mustand mualij se rajoou karna chahiye.

Asthma symptoms in Urdu

Asthma prevention tips

Mandarja zail mein asthma ke marz se bachao ke liye chand ahtiyati tadabeer batayi gayi hain jin ko apna kar aap is marz ko sirf control kar satke hain.

  1. Bistaron ki chadron, kambal aur takiyon ke ghlafon ko jaraseem se mehfooz rakhne ke liye mahine mein do martaba zaroor dohain. Aur koshish karne ke mareez ke bedroom mein qaleen ya carpet waghera na bechain.
  2. Cigarette noshi se ijtinab karen, is ke alawa aise logon ke sath nahi batain jo cigarette noshi kar
    rahe hon. Agar aap kisi aur nashe ke aadi hai to foran usay chor dain.
  3. Dhool mitti, dhowen, hawai aloodgi aur mousmi tabdeelion ke asraat se bachne ke liye bhi zaroori iqdamaat karen.
  4. Khane mein baadi aur roghan ghazao ka istemaal nah karen. Kyon ki dekhnay mein aaya hai ki jo mareez doodh, dahi aur chawal waghera ka istemaal karte hain un ko ziyada takleef ka samna karna padta hai.
  5. Ghar ki safai suthrai ke liye chemicals ya bleach waghera ka istemaal kam se kam karen. Aur koshish karein ke paltu janwar bhi mareez ke kamra mein mojood furniture, bistar aur deegar samaan se dour rahain.

Asthma prevention tips in Urdu

Asthma home remedies

Mandarja zail mein asthma ke marz ke liye chand gharelo totkay bataye gaye hain jin par amal kar ke aap nah sirf is mozi marz ko mazeed bharne se rok satke hain balke is se mukamal nijat bhi haasil kar sakte hain.

Asthma home remedies in Urdu


Is gharelu totkay se nah sirf asthma ke marz balke purani se purani khansi ko bhi jarr se khatam kiya ja sakta hai. Is totkay ke liye aap ko mandarja zail ajzaa ki zaroorat ho gi.

  1. Pani — 1 cup (250 milliliter)
  2. Adrak — 6 mashah (tqriban 4 gram)
  3. Kaali harrier — 6 mashah (tqriban 4 gram)
  4. Shehad ya Shakar — hasb e zaiqa

Adrak aur kaali harrier ko mota mota koot kar aik cup pani mein ubal lain. Yeh chai ki terhan ban jaye gaas mein hasb e zaiqa shehad ya cheeni mila kar din mein kisi bhi waqt istemal karain. In Sha Allah chand din main marz mein afaqa ho jaye ga.

Is ke alawa agar adrak ke ras mein shehad mila kar chata jaye to bi faida hota hai.

Asthma home remedies in Urdu


ِIs gharelo totkay se asthma ke marz ko jad se khatam kya ja sakta hai. Iss totkay ke liye aap ko mandarja zail ajza ki zaroorat ho gi.

  1. Khajoor — 2 Adad
  2. Mulethi powder — aadha chamach
  3. Kasuri methi — aadha chamach
  4. Pani — 1 x 1/2 cup

Khajoor ki guthli nikal kar ghoda alehda kar len. Mulethi powder, Kasuri methi aur khajoor ka goda daidh cup pani mein daal kar itna josh dain ke pani aik cup reh jaye. Is mehlool ke do chamach din mein 3 martaba (subah, dopahar aur sham) nehar munh istemal karain. In Sha Allah chand din mein asthma ke marz se mukamal nijat mil jaye gi.

Asthma home remedies in Urdu


Is gharelo totkay se purani se purani khansi aur asthma ke marz ko jarr se khatam kiya ja sakta hai. Is totkay ke liye aap ko mandarja zail ajzaa ki zaroorat ho gi.

  1. Pyaaz ka ras — 1 pawo (250 milliliter)
  2. Shehad — 1 pawo (250 milliliter)
  3. Meetha Soda — 5 tola (60 gram)

Shehad, pyaaz ka ras aur khane wala meetha soda kisi bartan mein achi tarah mila kar rakh lain. Din mein do martaba (subah o shaam) aik khane ka chamach istemaal karen. In Sha Allah chand roz ke baqaida istemal se asthma jaise mozi marz aur daimi khansi se mukammal chutkara mil jaye ga.

Asthma home remedies in Urdu


About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

*

code