Dry skin care tips aur totkay

Dry skin cure tips and home remedies

Hamari jild ko naram o mulaim aur khubsurat rehne ke liye munasib nami ki zaroorat hoti hai. Agar kisi wajah se nami ki munasib miqdaar jild ko muyassar na ho to is ki saakht khushk ho jati hai. Baaz mard o khawateen ki jild qudrati tor par khushk hoti hai jo koi sangeen masla nahi hai.

Jild ko khushk aur khrdri banane mein ziyada tar mousmi asraat, ghair munasib care creams, lotion ya sabun ka istemal, jism mein pani, vitamins ki kami, harmons aur ghair munasib khurak ka istemal waghera shamil ho satke hain. Agar khushk jild ki munasib dekhbhal na ki jaye to waqt ke sath sath jild badsoorat, khurdri aur jhuriyon ka shikar ho jati hai.

Dry skin care tips and home remedies

Ziyada tar mard o khawateen ki jild khushk sakht ki hoti hai, agar aap bhi un mein shamil hain to mandarja zail mein aap mukhtalif beauty tips aur gharelu totkay bataye gaye hain jin ki madad se aap dry skin ki munasib dekh bhaal ke ilawa apni jild ki khubsurti ko char chand laga sakte ya sakti hain.

Dry skin care tips

Khushk jild (Dry Skin) bhi amooman normal jild ki manind hoti hai, aisi jild ki munasib dekh bhaal aik ahem tareen marhala hai. Khushk jild ki munasib dekh bhaal ke liye mandarja zail tips par amal karen.

Dry skin care tips in Urdu


Jild ki khushki aur rookha pan dorkrne ke liye qudrati zaraye ka istemaal mufeed aur karamad sabit hota hai. Iss liye apni roz marah ki ghiza mein taaza phalon aur sabziyon ka istemal yakeeni banayen taake qudrati khwark par inhisaar karte hue jild ki khushki ko dur kiya ja sake.

Dry skin care tips in Urdu


Khushk jild ke liye aisi creams aur lotions istemaal karen jin mein moisturizing ajzaa ki waafar miqdaar mojood ho. Iss se nah sirf jild naram o mulaim rahay gi balkay jald mousmi asrat se bhi mehfooz rahay gi. Iske ilawa khushk jild ke liye sun screen kaa stamal har mausam mein kiya jana chahiye.

Dry skin care tips in Urdu


Ziyada waqt nahanay se jild khushk ho jati is liye neem garam pani se sirf 5 se 10 minute tak nahain. Aam sabun ki bajaye moisturizer miley sabun ka istemaal karen. Nahanay ke baad khushk toliye se jild ko is terhan saaf karen ke jild thori nam rahe aur saaf karne ke foran baad jild par moisturizer lagayen.

Dry skin care tips in Urdu


Aik adad darmiyaan size ka tamatar kaddu kash karlen. Iss mein aik khane ka chamach malai mila kar achi terhan phaint len aur khushk jild par laga len. 15 minute ke baad name garam pani se dho lain. khushk jild ke liye yeh behtareen taank hai.

Dry skin care tips in Urdu


Aik khane ke chamach Zaitoon ke tail mein do khane ke chamach doodh aur taza carem mila kar paste bana len. Iss paste ko 10 se 15 minute ke liye hathon aur chehray ki khushk jild par laip karen. Aakhir mein roi ke tukron ko neem garam pani mein bhigo kar jild ko saaf kar lain.

Dry skin care tips in Urdu


Aik chamach kache doodh (doodh jo ubla hua na ho) mein 3 qatray lemon ka ras milain aur is se chehray aur hathon ka massage karin. 15 minute baad jild ko dho lain is se jild ki khushki khatam ho jaye gi. Iss ke ilawa Vitamin E ke capsule mein chand qatray lemon juice shamil kar ke khushk jild par lagaye aur kuch der baad jild ko dho len.

Dry skin care tips in Urdu

Dry skin care totkay

Khushk jild ki munasib hifazat, aur khubsurti barqarar rakhne ke liye gharelu totkay intehai karamad hain. Yeh totkay qudrati ajzaa par mushtamil hain jo kam kharch hone ke ilawa jild ko moisturize karne mein bi beyhadh madad gaar hain.

Gharelo totko ki afadiyat ko made nazar rakhte hue mandarja zail mein khushk jild ki hifazat ke liye chand aasaan aur karamad totkay betaye gaye hain jin par amal kar ke aap khushk jild ko khubsurat bana sakte ya sakti hain.

Dry skin care remedies in Urdu


Yeh gharelu mask khushk jild ki cleansing and moisturizing ke liye beyhadh mufeed hai. Dry skin care mask banane ke liye aap ko mandarja zail ajza ki zaroorat ho gi.

  1. Anda – 1 adad
  2. Glycerin – 1 chai ka chamach
  3. Roghan badam – 1 chai ka chamach
  4. Shehad – 1 chai ka chamach

Kisi bartan mein aik adad anday ko daal kar itna phaintain ke jhaag ban jaye uske baad is mein shehad, roghan badam aur glycerin achi tarah mila lain. Ab is paste ko gardan, chehray aur hathon ki jild par laip karen aur 15 se 20 minute tak laga rehne dain. Iss ke baad saaday pani se dho kar jild ko khushk kar len.

Iss mask ko mahine mein 3 se 4 martaba istemal karne se khushk, kkhudari aur siyah jild naram o mulaim aur khubsurat ban jaye gi.

Dry skin care totkay in Urdu


Yeh mask nah sirf jild ki khushki aur siyahi balkay jild par parny wali jhuriyon (wrinkles) ko bi khatam karne mein karamad hai. Iss mask ko banane ke liye aap ko mandarja zail ajza ki zaroorat ho gi.

  1. Arq e gulab – 1 khane ka chamach
  2. Anday – 4 adad
  3. Roghan badam – 1 chai ka chamach
  4. Phatkari – hasb e zaroorat

Chaar andon ko le kar un ki safedi alehda kar lain, phir is safedi ko kisi bartan mein daal kar baqi ajza (arq e gulab phitkari aur roghan badam) daal kar halki aanch par itna pakain ke yeh lais ki terhan ban jaye. Iss mask se rozana raat ko chehre aur hathon ki jild par massage karen aur subah uth kar neem garam pani se jild dho lain.

Chand dino ke istemal se jild naram o mulaim aur is par banane wali jhuriyan khatam ho jayen gi.

Dry skin care totkay in Urdu


Yeh gharelo mask jild ki taazgi aur khubsurti mein izafa ke ilawa jild par mojood jhuriyon ko bi khatam karta hai. Iss mask ko banane ke liye aap ko mandarja zail ajza ki zaroorat ho gi.

  1. Shehad – 1 chai ka chamach
  2. Anda – 1 adad
  3. Sunflower oil – 1 chai ka chamach

Anday ko kisi bartan mein nikaal kar khoob phint len uske baad is mein shehad aur sunflower oil daal kar achi terhan mix kar lain. Chehre aur hathon par laip karen aur 15 se 20 minute laga rehne den.

Is ke baad name garam pani se mun dho kar khushk kar lain, behtareen nataij ke liye is mask ko haftay mein aik martaba zaroor istemaal karen.

Dry skin care totkay in Urdu


About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

*

code