Beauty tips

Facial hair removal tips

Facial hair removal tips in Urdu
86views

Khawateen ke chehray aur jism ke deegar hisson par ghair zurori baal hotay hain jin ka koi khaas kaam nahi hota aur bad numa mehsoos hotay hain. Aksar khawateen chehray aur jism ke deegar hisson par mojood in ghair zaroori balon ki wajah se pareshan rehti hain, jo aankhon ke ird gird, peshani, thori, honton ke upri hisse aur chehre ke atraaf mojood hotay hain

Jab ke khawateen un ghair zaroori balon se mukammal nijaat panay ke liye mukhtalif tareeqa kar jaise bleaching, threading, razores, hair removal cream ka istemal karte hain lekin woh un se mustaqil nijat hasil karne mein kamyab nahi hota.

Khawateen ki ghair zaroori balon se mustaqil nijaat ki pareshani ko dekhte hue mandarja zail chand Facial hair removal tips aur gharelo totkay bataye gaye hain jin par amal kar khawateen ghair zaroori jismani balon se kuch arsay mein mustaqil nijaat haasil kar sakti hain.

Facial hair removal tips in Urdu

Facial hair removal tips & tricks

Ghair zaroori balon se chutkara pane ke liye khawateen bleaching, threading ke ilawa deegar tariqa jaise hair removal creams, lotion aur deegar kimiyai masnoaat ka istemaal karte hai, jo sirf arzi nataij maratab karte hain.

Haqeeqat mein un tareeqon ka istemal ghair zaroori balon ki nash-o-numa ko ziyada mutharrak kar deta hai, jo jild par sakht asraat muratab karte hain. In tarikon ki bajaye agar batayi gayi facial hair removal tips par amal kia jaye to khawateen chand hafton main in ghair zaroori balon ki nash-o-numa ko rok kar un se mustaqil nijaat bhi pa sakti hain.
Facial hair removal tips and tricks in Urdu

Chehray aur jism ke dosray hisson par mojood ghair zaroori balon ko khatam karne ke liye besan ka istemaal sab se qadeem aur azmooda tareeqa hai. Besan aur pani ko mila kar creamy paste bana kar ghair zaroori balon par lagayen aur halka sa khushk hone par ragar kar utaar len, is se nah sirf ghair zaroori balon ka khatma ho ga bal ke jild bhi naram o mulaem ho jaye gi.
Facial hair removal tips and tricks in Urdu

Aik cup pani mein 30 gram cheeni aur 2 chamach lemoo ka ras mila len.Is paste ko chehray aur jism ke ghair zaroori balon par lagayen. Taqreeban 20 minute baad jild ko dho len. Behtareen nataij ke liye is amal ko haftay mein aik martaba zaroor dohrayen, Chand hafton main balon ki afzaish main waze kami aa jay gi.
Facial hair removal tips and tricks in Urdu

Aaloo aur masoor ki daal pees kar laip bana len, is laip ko ghair zaroori balon par 15 minute tak lagaye aur dho len. Is tareeqa se nah sirf balon ke dobarah ugnay mein kami aaye gi balke jild ki rangat bhi nikhar jayegi. Kyun ke aaloo mein qudrati bleaching ajiza paye jate hain.
Facial hair removal tips and tricks in Urdu

Kelay ko masal kar is mein jai mila len. Is scrub ko ghair zaroori balon par laip karen aur 15 se 20 minute baad matlooba jald ko dho len. Is Scrub ko haftay mein kam az kam aik martaba zaroor istemaal karen. Chand hafton ke mustaqil istemaal se ghair zaroori balon se mukammal nijaat mil jaye gi.
Facial hair removal tips and tricks in Urdu

Haldi aur Papita ke juice ko mila kar kareemi paste bana len. Is paste ko chehray aur jism ke ghair zaroori balon par taqreeban 15 minute taq lagayen aur bhar ragar ko dho len. Yeh paste nah sirf balo ki nasho-numa rokne mein madad gaar hai balkay jald ko naram o mulaem aur khobsorat bana de ga.
Facial hair removal tips and tricks in Urdu

Facial hair removal totkay

Mandarja zail mein chehray, honton, peshani, thori, aankhon ke ird gird aur deegar jismani balon se mukammal nijat pane ke gharelu totkay betaye gaye hain jin ki madad se aap ghar mein mojood ajzaa se hair removal cream aur scrub bana kar ghair zaroori jismani balon se mustaqil nijaat pa sakti hain.
Facial hair removal totkay in Urdu

Yeh gharelo totka ghair zaroori balon se mukammal nijaat dilane aur un ki dobarah nasho numa rokne ke liye behtareen hai. Is totkay ke liye aap ko mandarja zail gharelo ajza ki zaroorat ho gi.

  1. Pise hue badam – 1 khane ka chamach
  2. Multani mitti – 1 khane ka chamach
  3. Medicated cream – 1 khane ka chamach
  4. Arq e gulab – hasb e zaroorat

Tamam ajzaa (pise hue badam, arq e ghulaab, medicated cream aur multani mitti) ko kisi pyaale mein daal kar achi terhan mix kar len. Is paste se chehray aur deegar ghair zaroori balon wali jagah par halkay haath se massage karen, taqreeban 10 minute baad neem garam pani se jald ko dho len.

Is amal ko hafte mein 2 se 3 martaba dohraye, chand hafton ke istemal se ghair zaroori baal jar se khatam ho jayen ge.

Facial hair removal gharelu totkay in Urdu


Yeh gharelo hair removal mask nah sirf ghair zaroori balon ko jar se khatam karta hai balkay jild ko bhi naram o mulaim banata hai. Is gharelo totkay ke liye aap ko mandarja zail ajzaa ki zaroorat ho gi.

  1. Besan – 2 khane ke chamach
  2. Dahi – 2 khane ke chamach
  3. Haldi – 1 khane ka chamach

Besan, dahi aur haldi ko kisi bartan mein achi tarah mila len, is paste ko ghair zuoori balon par laip kar dain. Jab laip sookh jaye to khech kar utaar len aur mazkoorah jild ko neem garam pani se dho kar skin care cream se massage karen. Chand dino ke baqaida istemaal se ghair zaroori baal jar se khatam ho jayenge.

Facial hair removal gharelu totkay in Urdu


Yeh gharelu scrub ghair zaroori jismani balo ko jar se khatam karne ke liye be hadd kaar amad hai, is gharelo sekrab ko bananay ke liye aap ko mandarja zael ajzaa ki zaroorat ho gi.

  • Besan – 2 se 4 khane ke chamach
  • Haldi powder – 2 khane ke chamach
  • Fresh Cream – aadhi piyali
  • Doodh – 1 cup

Besan, haldi powder aur fresh kareem ko kisi bartan mein daal kar achi terhan mix kar len. Jab sab cheezain yakjan ho jayen to is mein doodh daal kar name gaarha sa paste bana len.Is paste ko chehre aur jism ke deegar ghair zaroori balon par is tarah lagayen ke paste tamam ghair zaroori balon par lag jaye.

Jab paste khushk ho jaye to unglio ki madad se ragar kar utar len, musalsal istemal se baar baar ugnay walay ghair zaroori baal aahista aahista mukammal khatam ho jayen ge.

Facial hair removal gharelu totkay in Urdu

Leave a Response

*

code

Zubaida Beauty
Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.