Home pregnancy tests

Home pregnancy tests

Mard jab 4 se 5 din baad apni biwi ke sath jamaa karta hai to kharij hone wali money (semen) ki miqdaar taqreeban 3.5 milliliter hoti hai. Kharij hone wali is money mein taqreeban 30 se 40 crore sperms mojood hotay hain aur sehat mand bachay ki paidaish ke liye zaroori hai ke kharij hone wali money mein 2 crore nutfay mojood hon. Jamaa ke amal mein 4 crore nutfon mein se sirf 2 hazaar ke lagbhag sperms anday tak pahunchte hain aur un mein se aik baize ko baraavr karta hai.

Agar rozana aik din chore kar biwi ke sath hambistari ki jaye to pehlay mah biwi ke hamla honay ki imkanat 60 feesad taq barh jatay hain. Hambistari ke liye mishnri tareeqa istemal kya jaye. Yani biwi neechay ho, is ki kamar ke neechay takiya ho, dukhool gehra ho aur anzal ke baad khawand azu tanasul ko foran bahar na nikale behtar hai ke azu khud sirkh kar farige se bahar aaye.

Home pregnancy testing in Urdu

Warna money ka bohat sa hissa frige se bahar aa jaye ga jis se sprm ki tadaad kam ho jaye gi aur hamal ka imkaan bhi kam ho jaye ga. Anzal ke baad biwi 30 minute ya 1 ghanta taq isi haalat laithee rahay. Is terhan mubashrat se biwi ke haamla hone ke imkanaat mein kaafi izafah ho jata hai.

Agar aap mein hamal ki ibtidai alamat zahir ho chuki hain aur aap haamla hone ki umeed rakhti hain to is post mein aap jaan sake gi ke kaisay aap dr ke paas jaye baghair apne haamla hone ya nah hone ki tasdeeq kar sakti hain.

Home pregnancy testing in Urdu

Home pregnancy tests

Jaisa ke aap janti hain ke hamal ki pehli aur bari nishani mahwari ya menses ka na aana hai, lekin yaad rakhe ki hamesha mahwari ya haiz ke rukne ki wajah hamal nahi hoti. Is liye hamal ki tasdeeq karne ke liye hamal test karwa len ya khud ghar par kar lain. Aajkal hamal ki tasdeeq karne wale tests medical store par ba aasani dastyab hain. Amooman khawateen hamal ki tasdeeq ke test do tareeqon se kar sakti hain.

  1. Aap khud ghar par pregnancy tests kar sakti hain.
  2. Aap kisi laboratory ya lady doctor se pregnancy tests karwa sakti hain.

Lekin is article mein aap gharelu hamal tests (home pregnancy tests) ke tareeqon ke mutaliq jaan sake gi. Gharelu hamal test apko doctor ya laboratory ke mehange tests se milta jalta nateeja dete hain. Is ke ilawa home pregnancy tests waqt aur paisay ki bachat ka bhi zareya hain.

Home pregnancy tests

Home pregnancy testing

Jab hamal thehr jata hai to hamla aurat ke jism aur khoon mein chand makhsoos qisam ke hormones peda ho jatay hain. Yeh hormone aurat ke khoon ke sath sath peshab mein bhi paye jate hain. Aur pregnancy test unhi hormones ki mojoodgi ya ghair mojoodgi ko zahir karta hai.

Medical stores par milne wale pregnancy tests aam tor par aik patti par mushtamil hota hai, jisse peshab mein dubo kar check kiya jata hai. Is ka mukammal tareeqa kar packet par darj hota hai, aur mukhtalif companiyon ke pregnancy tests ka tareeqa kar mukhtalif ho sakta hai. Taham un ka bunyadi tareeqa aik hi hota hai aur yeh nihayat aasaan hai.

Home pregnancy testing in Urdu

Pregnancy strip test

Medical stores se milnay walay hamal test se haamla hone ki tasdeeq ke liye is tarika kar par amal karen.

Aik saaf bartan mein peshab ka namona jama karen. Pregnancy strip ko packet se nikalain aur usay peshaab ke namoonay ke andar is terhan dalye ke teer ka nishaan peshaab ki janib ho.

Khayaal rahe ke ke peshaab ki satah teer ke nishaan ke neeche bani hui line se neechay rahay. Is ke ilawa pregnancy strip ko packet se nikalne ke foran baad istemaal kar lena chahiye. Agar strip ko packet se nikale hue 1 ghanta se ziyada ka waqt guzar chuka ho to isse test ke nateeje par manfi asar parta hai.

Paanch second baad patti ya strip ko bahar nikal dijiye aur usay nateeja zahir hone ke liye paanch minute tak rakh den.

  • Musbat nateeja: Agar strip par laal rang ke do wazay lines zahir ho jayen to aap haamla hain.
  • Manfi nateeja: Agar strip par laal rang ki sirf aik line zahir ho to yeh haamla nah hone ki alamat hai.
  • Be nateeja: Agar strip par koi line zahir na ho ya halki si line zahir ho to is test ko pishaab ke naye namoona aur naye saman ke sath dobarah dohraye.

Agarchay pregnancy tests strip se ghar par hamal test karna bohat aasaan hai, lekin packet par darj hidayat gour se na parhne ki soorat mein natija ghalat bhi ho sakta hai. Baaz auqat tareeqa kar par amal karne ke bawajood test ka nateeja ghalat aa sakta hai, lekin aisa bahut kam hota hai. Agar hamal ka test musbat aaye to doctor se fori tor par mashwara karain.

Pregnancy strip testing in Urdu

Homemade pregnancy tests

Hamal ki tasdeeq ya jhanchne ke liye gharelo hamal test aajkal khawateen mein bohat maqbool hain, kyunki in gharelu tests se khawateen ghar baithe hi minton mein hamal ke mutaliq pata laga sakti hain. Taraqqi yafta mumalik mein aam tor par gharelu tareeqa hi Maroof hai. Khawateen mein maqbool aur durust nateeja daine walay chand home pregnancy tests mandarja zail hain.

Homemade pregnancy tests in Urdu


Aik disposable cup mein peshab ki kuch miqdaar len aur is mein pine soul ke 3 chamach daal kar adhe ghantay ke liye chore den. Agar peshab ki rangat tabdeel ho jaye to is ka matlab hai ke aap haamla hain.

Homemade pregnancy tests in Urdu


Kakronda (dandelion) ke chand pattay lain aur inhe aik plastic bag mein daal kar kuch ghanto ke liye saya dar jaga par rakh den. Phir ek bartan mein peshab ka nimona len, aur is mein pattoun ko 10 second taq dip karen. Agar 20 minute baad pattoun par surkh dhabbe namodaar hon to samajh lain aap hamila hain.

Homemade pregnancy tests in Urdu


Pyale mein peshab ka nimona len aur is mein 1 chamach cheeni ki dalan aur chand minute intzaar karen. Agar cheeni hal ho jaye to aap hamila nahi hain. Aur agar cheeni pishaab mein hal nahi hui to aap haamla hain, kyunki hamla aurat ke peshab mein paya jane wala HCG hormone cheeni ko peshab mein haal nahi hone deta.

Homemade pregnancy tests in Urdu


Raat ko sone se qabal aik bartan mein taqreeban aadha cup sirka lain aur is mein itni hi miqdar mein peshab ka nimona mila len. Subah agar peshab ka rang tabdeel ho chuka ho to hamal thernay ki nishani hai.

Homemade pregnancy tests in Urdu


Kisi bartan mein 1 chammach peshab ka namuna len aur is mein 2 chamach khane ka soda dalain. Agar mehlool mein bulbulay banne lagen jaise soda ki bottle kholte waqt bante hain to aap hamla hain.

Homemade pregnancy tests in Urdu


About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

*

code