You are now here at: HomeBeauty tips aur totkayHont gulabi karne ki tips aur totkay
Pink lips tips and totkay in Urdu
Beauty tips aur totkay

Hont gulabi karne ki tips aur totkay

Saaf o shaffaf chehre ke sath sath khawateen ki khwahish hoti hai ke un ki palkain lambi aur ghani hon, baal silky, mazboot aur lambay hon aur sab se barh kar un ke hont gulaabii aur naram o mulaem hon. Saaf o shafaaf jald par lambi palken aur gulaabii hont husn ko dobala kar te hain. Khubsurat, chamakdar or gulabi hont aurat ki qudrati khubsurti ko chaar chaand laga dete hain.

Gulabi honth chehre ke husn ko dobala karte hain aur agar hont siyah par jayen to khawateen ke chehray ka sara husn maand par jata hai. Siyah hont khawateen ki khoubsurti ko maand kar dete hain, agar honton ki munasib dekh bhaal nah ki jaye to waqt guzarnay ke sath sath hont siyah par jatay hain.

Hont gulabi karne ki tips


Hont kalay par jane se chehray ki khoubsurti aur sara ta-assur baggar jata hai, aam tor par honton ke siyah pan ko lipstick ke zariye kam karne ki koshish ki jati hai, magar yeh tareeqa sirf waqti faida mand hota hai.

Agar aap ke hont bhi siyah hain ya ho chuke hain to mandarja zail mein chand tips bayan ki gayi hain jin ko apna kar aap siyah honton ko naram o mulaim aur gulaabii bana sakti hain.


Agar aap honton ko siye hone se bachna chahti hai to, jab kabhi bhi honton par lipstick istemaal karen to woh kisi achi company ka honay ke sath miaari bhi ho. Aam tor par khawateen jo lipstick istemaal karti hain un mein ziyada chamak mojood hoti hai. Agarchay lipstick waqti tor par honton mein chamak aur glamour peda karti hai, lekin un ka ziyada istemaal waqt ke sath sath honton se un ki qudrati rangat khatam kar ke inhen siyah bana deta hai.

Iske alawa is baat ka khayaal bhi rakhen ke lip stick ko raat sonay se pehlay utaar den warna miaari honay ke bawajood hont siyah ho satke hain.


Honton par kabhi bhi aik waqt mein aik se ziyada lip stick istemaal nah karen, iske alawa lipstick ko ragar ka nah utarain aisa karne se honton ki jald mutasir hoti hai aur un ki khoubsurti khatam honay lagti hai.

Istemal shuda lipstick, lip balm ya lip brush hargiz istemaal nah karen aisa karne se saans, gilaay, mun aur honton ke infection ka imkaan rehta hai.


Honton ko moisturize karne ke liye thook ka istemal nah karen aisa karne se hont siyah honay ke sath sath motay ho jatay hain. Agar honton ko moisturize karne ke liye Vaseline ya lip baam waghera ka istemaal kya jaye to nah hont naram o mulaem honay ke sath sath gulaabii ho jatay hain.


Raat ko sone se qabal honton par lip care cream zaroor lagayen, lip care cream ke baqaida istemaal se nah sirf hont naram o mulaem rehtay hain iske alawa honton ki siyah rangat mein bhi nikhaar paida hota hai.

Honton par lipstick apply karne se pehlay un par care kareem zaroor lagayen. Aisa karne se nah sirf hont naram o mulaem rahen ge balkay lip stick ki chamak bhi ziyada der tak barqarar rahay gi.


Honton ko naram o mulayam or gulabi banane ke liye cosmetics ki bajaye agar Vaseline ka istemaal kya jaye to behtar hai. Kyunki Vaseline mein beauty products ki nisbat chemicals mojood nahi hotay aur is ke istemaal karne ka koi nuqsaan bhi nahi hai. Iske alawa khawateen honton ko naram o mulaim rakhne ke liye chup stick ka istemaal bhi kar sakti hain.

Hont gulabi karne ke totkay


Mandarja zail mein gulaabii honton ke liye chand mufeed aur kaar amad gharelo totkay bayan kiye gaye hain. jin par amal kar ke khawateen chand dino mein naram o mulaem aur gulaabii hont panay ka khawab poora kar sakti hain.


Agar aap honton ko gulabi aur naram o mulaim banana chahti hain to is ke liye zaroori hai ke aap rozana apne honton par thanday arq ghulaab se massage karen. Iske alawa pisi hui phatkari mein 1 chamach arq e ghulaab aur chand qatray lemon ke ras ke mila kar laganay se bhi honton ki siyahi khatam ho jati hai.


Zaitoon ka tail honton par lagane se honton mein narmi aur taazgee barqarar rehti hai. Zaitoon ke tail mein thori miqdaar cheeni ki mila kar paste bana len. Is paste ko honton par lagayen aur unglio ki madad se massage karen. Is se nah sirf aap ke hont jaazib nazar ta-assur den ge balkay honton ki siyah aur be jaan jald bhi gulaabii ho jaye gi.


Ek pyali mein anday ki aadhi zardi, 20 qatray arq e ghulab, 20 qatray Zaitoon ke tail aur 20 qatray kheeray ke ras ke daal kar khoob phaintain yahan tak ke achi terhan mix ho jayen.

Honton ko arq e gulab se saaf kar lein aur bhar banaye gaye amezay se honton par 10 minute tak massage karen aur is ke baad 15 minute honton ko aisay hi chore den. Phir garam pani se honton ko dhuen, aik hafta baqaida istemaal se hont ghulaabi ho jayen ge.


Lemon ke ras ko apne honton par kuch der ke liye milein, aisa karne se aap ke honton ki siyahi bhi daur ho jaye gi aur hont aik dam gulaabii nasr ayen ge. Iske alawa 3 chamach falsa ke ras ko Vaseline mein mix kar len, aur usay apne paas lip baam ke tor par kisi ayr tihgt bottle mein mehfooz kar len aur din mein 2 se 3 baar honton par apply karen. Is se nah sirf aap ke honton ki nami barqarar rahay gi, balkay aap ke hont be had khushnuma bhi dikhayi den ge.


Raat ko sotay waqt agar aap doodh ki balai ko apne honton par achi terhan lagayen to poora din apke honton ki chamak barqarar rahay gi aur hont aik dam naram o mulaem aur gulaabii nazar ayen ge.

Iske alawa naram o mulaem aur gulaabi hont panay ke liye 1 chamach timatar ke paste mein 1 chamach doodh ki balai mix karen aur iss paste ka itlaq raat sonay se qabal apne honton par karen.

Behtareen nataij ke liye is totkay ka istemaal haftay mein kam az kam 2 baar zaroor karen.

About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

Adsense Ads