Pregnancy tips

Pregnancy problems and treatments tips

Pregnancy problems and treatments tips
213views

Hamal k doran jism mein hormones ki tabdeeli aur maa e pait mein bachay ki nashonuma duran e hamal paish anay chotay motay masail aur mushkilaat (Pregnancy problems and treatments tips) main aham kirdar ad karte hain isi liye kisi bhi aurat ki zindagi main hamal ke marahil bohat hi ahmiyat ke hamil hote hain.

Hormones ki tabdeeli aur hamal ke masail ki wajah se hamla khaton ke jism mein jo tabdelian runuma hoti hain woh mamool ke mutabiq hoti hain lekin baaz khawateen un tabdeelion aur masail ki wajah se jald pareshan ho jati hain.

Mazmoon e haza (Pregnancy problems and treatments tips) ko tehreer karne ka maqsad yeh hai ke woh khawateen jo pehli dafa hamal ke marahil se guzar rahi hain woh duran e hamal paish anay walay masail se aashna ho sake aur woh hamal ke duran nah sirf khud ko sahet mand rakh saken bal ke apne pait mein parwarish pane walay bachay ki har mumkina aur behtareen nighdasht bhi kar saken.

Pregnancy problems and treatments tips in Urdu

Pregnancy problems and treatments tips

Duran e hamal bachay ki nasho numa mein madad dainay wali tamam tabdeelian haamla khatoon ke liye jismani mushkilat ka bais ban sakte hain. Mandarja zail mein hamal ke masail aur mushkilat (Pregnancy problems and treatments tips) ka zikar kiya gaya hai jin ka aurton ko duran e hamal tajurba ho sakta hai. Is ke ilawa aap hamal ke masail ki wajohat aur ilaaj ke mutaliq bhi jaan sake gi.

Pregnant women problems and treatment tips in Urdu

#1 Pait dard (Stomach pain)

Haamla khawateen mein hamal ki doosri aur teesri sah mahi mein pait ka dard aam masla hai aur is qisam ki pait dard ko naseeji patti ka dard bhi kaha jata hai.


Duran e hamal pait dard ki mumkina wajah naseeji ptyon mein khichao ka paida hona hai. Yeh pattiyan reham ke dono atraaf mein mojood hoti hain aur reham ko sahara deti hain. Hamla hone ke baad badhta hua reham in naseeji ptyon mein khinchao peda karta hai jis se dard hoti hai. Yeh dard nuqsaan da nahi hai lekin takleef da ho sakti hai.


Position badalne se naseeji pati par dabav kam hota hai jis se dard ki shiddat bhi kafi kam ho jati hai. Agar dard shadeed aur mustaqil ho to apni midwife ya lady doctor se mashwara karne.

Stomach pain problem during pregnancy in Urdu

#2 Kamar dard (Back pain)

Kamar dard hamla khawateen ko paish anay wala aam masla hai aur yeh dard hamal ke aakhri ayyam mein aam hota hai.


Hamla khawaten mein kamar dard ki wajah ghaliban kamar ke nichale hissay aur pairo ki naseejian naram par jana ya barhatay huwe reham ka izafi wazan ho sakti hain. Baaz auqat dard ki shiddat is had tak ho sakti hai ke kaam aur neend ke ilawa roz marah sargarmian bhi mutasir ho sakti hain.


Munasib aaram karne, halki phulki warzish aur walk karen, dard wali jagah par massage kare ya karwaye agar kamar dard shadeed aur mustaqil ho to apni midwife ya lady doctor se rajoo karen.

Back pain problem during pregnancy in Urdu

#3 Danton ke masail (Teeth problems)

Doran hamal jism mein hormonal tabdeeli ki wajah se hamla khatoon ko danton ke masail aur masooron se khoon behne ya sujan waghera ka saamna karna par sakta hai.


Hamla khawaten mein danton ke masail aur masooron mein sujan aur khoon anay ki bari waja hormonal tabdeeli ho sakti hai. Iske alawa danto ki munasib safai nahi karna, danton main keera lagay hona ya danton ki bimari ya meethi cheezon ka zyada istemal wagera ho sakti hai.


Rozana danto ko brush karne aur jyada meethi cheezain khane se ijtinab karen. Agar danto ka galna sarna ya masoro ki bimari ki koi alamat mojood ho to dentist se rajoo karen.

Agar masoro ki bimari aur danton ke masail ka munasib aur bar waqt ilaj nah kiya jaye to is se hamla khatoon aur uske bache, dono ke liye masail paida ho sakta hai. Is ke ilawa achi ghazain khana bhi mushkil ho jata hai jo hamla khawateen aur doodh pilana wali maa ke liye khana zaroori hai.

Teeth and Gums problem during pregnancy in Urdu

#4 Peshab ki kasrat ya jalan (Urine problems)

Hamal k shuru mein peshab ki kasrat ya jalan ki wajah harmons mein tabdeeli ho sakti hai. Agar aap jurwan bachon ko janam dainay wali hain to yeh masla shadeed ho sakta hai. Hamal ke aakhri marahil mein ho sakta hai ke aap ke liye masana poori terhan khaali karna ziyada mushkil ho jaye aur chhenknay, khansne ya koi cheez uthany par thora sa pishab nikal jaye.


Hamal ki aakhir dino mein peshab ki kasrat aur jalan ki wajah masanay par reham ke wazan se dabao parna hai, uskay ilawa pishaab ki naali ke infection ki wajah bhi ho sakti hai.


Zaireen posheeda aaza ke pathon ki rozana warzish karen, agar peshab karte huwe jalan ho to apni midwife ya lady doctor se raju karen kyunki yeh infection ki alamat ho sakti hai.

Urinary Problem during pregnancy in Urdu

#5 Patho mein bal parnaa (Muscles problems)

Hamal ke aakhri ayam aur bilkhsos raat ko sotay waqt paon, tangon ya Raan ke pathon mein bil parna aam masla hai.


Jism mein calcium ki kami, haddiyon ki kamzori ya hormones mein ghair mamooli tabdeeli pathon mein bil parney ki wajohat ho sakti hain.


Dard wali jagah par pathon ka massage karen, izafi magnesium lene se fayda ho sakta hai. Agar masla ziyada ho to dr se mahswara karen. Pathon mein bal parne ke ilaaj ke liye aksar doctor calcium tajweez karte hain, lekin is ke waqai kargar honay ke koi wazay saboot nahi hain.

Muscle Problem during pregnancy in Urdu

#6 Tezabiyat ya maiday mein jalan (Stomach problems)

Yeh masla hamal kay dosray marhalay mein hamla khatoon ko ho sakta hai. Tezabiyat ki wajah se aap ko maiday ya seenay mein jalan aur is ke sath mun mein karwa zaiqa mehsoos ho sakta hai.


Harmons ki tabdeeli aur maiday par parhaty huwe reham ka boojh parney, mirch masalay wali aur roghan ghazain khane ki wajah se tezabiyat aur jalan ho sakti hai.


Tezabiyat se bachne ke liye khana kam miqdar mein aur aahista khayen, takkiyo ke sahare se name amoodi halat mein sonay ki koshish karen. Agar un tareeqon se faida nah ho to midwife ya lady doctor se rajoo karen.

Stomach and gastric problem during pregnancy

#7 Chakkar ya ghash aana (Nausea)

Hamal ke shuru ke dinon mein ya hormonal tabdeelian khoon ki gardish ke nizam ko mutasir karte hain, jiski wajah se chakkar ya ghash a sakte hain.


Ziyada der kharray rehne ya late kar uthnay se achanak aap ko chakkar aa sakte hain ya ghashi mehsoos ho sakti hai. Is ke ilawa khoon mein sugar level mein kami ya zayati aur farj se khoon aana ya pait dard bhi wajohat ho sakti hain.


Ghashi ya chakkar atae sath hi late ya baith jayen aur halat behtar honay tak apne sar ki tango ke beech rakhe. Baqaida aur waqfon se khati rahen taa ke aap ke khoon mein sugar ki satah hamwar rahe.

Agar farj se khoon aaye ya pait mein dard ho to is ka ka matlab yeh ho sakta hai ke hamal reham se bahar thehra hai. Agar masla jyada ho to fori tor par midwife ya lady dr se raju karen.

Nausea problem during pregnancy in Urdu

#8 Matli ya qay aana (Vomiting)

Matli ya qay aana jahan hamal ki ibtidai alamat main se aik wazay alamat hai, isi tarah hamal ke doran matli ya qay aana hamal ke masail mein se aik aam masla hai jis se hamla khawateen ko aksar pareshani ka saamna hota hai.


Pait ka khali hona, ghaza ki kami, jismani kamzori, ya baaz cheezon ko dekhne se bhi matli shuru ho sakti hai. aur thakan ki wajah se matli anay ki kefiyat baggar sakti hai.


Khali pait na rahen, waqfay waqfay se khana khaye, halki phulki warzish karne aur agar masla ziyada ho to fori tor par midwife ya lady doctor se rujoo karen.

Vomiting problem during pregnancy in Urdu

#9 Neend mein kami ya khlal (Sleeping problems)

Hamal ke aakhri ayyam mein aap ko neend ki kami ya neend na any ka masla ho sakta hai. Jab ke baaz aurton ko is douran wazeh aur pareshan kin khawab bhi atay hain.


Ttezabiyat, bar bar peshab ki haajat, pait main bachay ki harkat waghera aap ki neend mein aasani se khlal daal sakti hai. Ain mumkin hai ke yeh bachay ki paidaish aur sahet ke mutaliq fikar mandi ka nateeja ho.


Chai aur kafi ke istemal se parhez karen, khas tor par sonay se pehlay. Raat ko sonay se qabal garam doodh peenay ke sath thori der mutalea karen. Agar fayda nahi ho aur aap thakan se nidhal mehsoos karti hon to lady doctor ya midwife se maheswara karen.

Sleeping problem during pregnancy in Urdu

#10 Takhno aur peeron ki soojan (Swelling)

Duran e hamal takhno aur pairon ki sujan normal ho sakti hai, jab ke yeh masla raat ki nisbat din mein ziyada paish aata hai.


Takhno aur pairon ki sujan jism mein ziyada pani ka akhatta hona, jyada der khade rehne, tang ya sakht jootay pehnnay, moch ya chout waghera ki wajah se ho sakti hai.


Aram da jootay pehnein, tangon aur takhno ki halki warzish aur massage karen, kam namak istemal karen aur namkeen khana kam khaye. Agar aap ko jism ke dosray hisson mein jaisay hathon, ungli aur chehre par sujan dikhai day to jald az jald apni midwife ya doctor se rujoo karen.

Feet and ankle swelling problem during pregnancy in Urdu

#11 Kharish (Itching)

Aisay jaisay hamla khaton ke pait mein bacha barhta hai, pait ki jald ziyada tan jati hai aur kharish ho sakti hai. Jab ke kharish karne ki wajah se jism par jalan, sujan aur zakham par sakte hai.


Jigar ka nuqs, infection, khushk jild, waqt se pehlay bachay ki paidaish waghera alamaat mein shamil ho sakti hain.


Kharish honay ki soorat mein moisturizing kareem se mutaliqa jagah par massage karen, jinsi aza par kharish ka matlab phaphund ka infection ho sakta hai is liye midwife ya doctor se rujoo karen.
Itching problem during pregnancy in Urdu

#12 Farj se safaid mawaad ka ikhraj (Vaginal discharge)

Hamal ke doran farj se safaid mawad ka ikhraj bhi hamal ke masail main se aik pareshan kin masla hai. Aur hamal ke aakhri marhalay mein frige se niklny waly safed mawad ki miqdaar barh jati hai.


Agar mawaad mein nagawaar bo ho, ya ikhraj ki wajah se dard, kharish ki chubhan paida ho ya is ki rangat sabzi maiel ya bhuri ho to apni midwife ya doctor se fori rabita karen.

Oopar bataye gaye (Pregnancy problems and treatments tips) hamal ke masail zyada tar hamila aurton ko duran hamal paish atay hain. Agar aap ko bhi duran hamal in mein se kisi maslay ka saamna ho to lady doctor ya midwife se jald az jald mashwara kare.

Vaginal discharge problem during pregnancy in Urdu

Leave a Response

*

code

Zubaida Beauty
Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.