Sensitive skin care and totkay

Sensitive skin care tips

Baaz mard o khawateen ki jild ki bohat hassas hoti hai aur mausam mein zara si tabdeeli anay ki wajah se sensitive skin ki sakht mutasir ho sakti hai. Jabke is qisam ki jald itni hassas hoti hai ke Sooraj ki roshni parhne par bhi yeh allergy ka shikaar ho sakti hai.

Aisay afraad ki jild aksar acne, pimples aur daagh dhabbon ka shikaar rehti hai. Androoni jismani masail, ghair munasib dekh bhaal, mosmyati tabdeelian, ghair munasib cosmetics, sabun aur cream ka istemal jild mein hsasit paida kar sakte hai jab ki jild ke hassas honay ki alamat mein allergy, keel mahasay, daag dhabbe, pimples, lotion ya kareem ke istemal se jild ka surkh ho jana ya jalan mehsoos hona waghera ho sakti hai.

Agar aap bhi aisy mard o khawateen mein shamil hai jin ki Sensitive skin hai to pareshan honay ki zaroorat nahi mandarja zael mein hasas jild ki munasib dekhbhal ke liye mukhtalif tips aur gharelu totkay bataye gaye hain jin ki madad se aap Sensitive skin ki munasib dekh bhaal ke ilawa apni jild ki khoobsurti ko char chand laga sakte hain.

Sensitive skin care tips in Urdu

Sensitive skin care tips

Hassas jild ki saakht qudrati tor par bohat naazuk hoti hai aur aisi jild ko pareshan kin jild bhi kaha jata hai. Sensetive skin ki munasib dekh bhaal karna aik ahem tareen marhala hai kyunki zara si be ahtiyati aap ki jild ko nuqsan pouncha sakti hai. Hasas jild ki munasib dekhbhal ke liye mard o khawateen mandarja zail tips par amal karen.

Sensitive skin care in Urdu


Jin mard o khawateen ki jild suzish ya jalan ka shikaar ho jati hai inhen chahiye ke jild par kisi bhi kisam ka beauty treatment, chemicals se banane wali creams aur cosmetics waghera ke istemaal se ijtinab karna chahiye. Iske ilawa khayaal rakhen ke jild par kisi bhi qisam ke exfoliating agents aur scrub ke istemaal se parhaiz karen.

Sensitive skin care in Urdu


Mineral water se jild ko saaf karain aur jild par aisi care creams ya lotions istemal na kare jis se kisi kisam ki allergy ho. Jabke jild par mojood acne, pimples, chaiyon aur daag dhabbe ko dur karne ke liye kisi bhi tarah ka formula istemal karne se pehle test zaroor kar len.

Sensitive skin care in Urdu


Din mein 8 glass pani peenay ki koshish karen, kyunke pani jild mein taazgee peda karta hai. Ghusal ke liye neem garam pani istemal karain taiz garam ya thanda pani jild ko nuksan pahuchane ka sabab ban sakta hai. Khanay peenay aur ghiza ke istemal ka khas khayal rakhen, khane peene mein ziyada tail aur masala wali cheezon ka istemal nah karen.

Sensitive skin care in Urdu


Doosron ka istemal ki hui cosmetics hargiz istemaal na karen kyunke is se skin infection hone ka khatarh rehta hai. Jild par waterproof makeup hargiz istemal nah karen, jild ko dhone ke liye mild soap free cleanser istemal kare. Aisay moisturizer ka istemal karen jo glycerine aur Zaitoon ke tail jaise ajza par mushtamil hon.

Sensitive skin care in Urdu


Sensitive skin ki roz marrah ki dekhbhal ke liye aisi masnoaat ka istemaal karen jin mein vitamin E aur shehad shamil kiya gaya ho. Kisi bhi beauty products ke istemal ki wajah se jild par kharish, jalan ya soozish hone ki soorat mein foran doctor se rujoo karen.

Sensitive skin care in Urdu

Sensitive skin care totkay

Hasas jild ki munasib dekhbhal aur usse khubsurat banane ke liye gharelo totkay bahut kaaramad hote hain. Kyunke gharelo totkay ase ajzaa par mushtamil hotay hain jo nah sirf qudrati balke kam kharch aur mozir asrat se bhi pak hotay hain.

Gharelo totkay ki ifadiyat ko madde nazar rakhte hue mandarja zail mein sensetive skin ki hifazat aur munasib dekh ke liye chand azmooda aur kaar amad totkay bataye gaye hain jin par amal kar ke aap hasas jild ko khubsurat bana sakte ya sakti hain.

Sensitive skin care totkay in Urdu


Yeh gharelo totka hassas jald se keel mahasay, chaiyan aur dagh dhabay khatam karne ke ilawa jald ki rangat surkh o safed banane ke liye bhi hadd mufeed hai. Yeh hassas skin care mask banane ke liye aap ko mandarja zail ajzaa ki zaroorat ho gi.

  • Dahi – 2 se 3 khane ke chamach
  • Anday ki safedi – 1 Adad

Anday ki safedi kisi pyaale mein alag kar len, 2 se 3 khanay ke chamach dahi ko phint kar is mein anday ki safedi achi tarah mila len. Is mask ko chehre aur hathon ki jild par laip kar len aur khushk hone par neem garam pani se dho lain.

Is mask ko hafte mein 2 se 3 martaba istemal karne se nah sirf jild par mojood chaiyan, dagh dhabe aur keel muhase khatam ho jate hain balkay jild ki rangat mein bhi nikhar aata hai.

Sensitive skin care totkay in Urdu


Yeh gharelu totka hassas jald se chaiyan aur daag dhabbe khatam karne ke liye behad mufeed hai. Yeh skin care mask banane ke liye aap ko mandarja zael ajzaa ki zaroorat ho gi.

  • Sandal powder – 1/4 chamach
  • Malai – 1 khanay ka chamach
  • Besan – 1 khanay ka chamach

Tamam ajzaa (sandal powder, malai aur besan) ko achi tarah mila len. Phir is mask ko chehre aur hathon ki jild par lagaye aur 15 se 20 minute baad jild ko neem garam pani se dho len. Is mask ko hafte mein 2 martaba istemal karne se jild par mojood keel mahasay, jhaiya aur daag dhabbe khatam ho jate hain.

Sensitive skin care totkay in Urdu


Yeh gharelo totka hasas jild se dagh dhabay, acne aur pimples khatam karne ke liye behad mufeed hai. Is skin care mask ko banane ke liye aap ko mandarja zael ajzaa ki zaroorat hogi.

  • Tamatar ka juice – 3 khane ke chamach
  • Lemon ka ras – 1 khane ka chamach
  • Shahad – 1 khane ka chamach

Tamam ajza (lemon juice, shahad aur tamatar ke juice) ko achi aapas mein mila kar paste bana len. Is paste chehre aur hathon ki jild par lagaye aur 20 minute baad jild ko neem garam pani se dho len.

Is mask ko hafte mein 2 martaba istemal karne se jild par mojood dagh dhabay, acne aur pimples khatam ho jate hain aur jild ki rangat bhi nikar jati hai.

Sensitive skin care totkay in Urdu

Sensetive skin care quick remedies

Upar bayan ki gayi beauty tips aur gharelo totko ke alawa mandarja zail mein sensitive skin ki munasib dekh bhaal ke liye chand kaaramad aur mufeed care tips batayi gayi hai jis par amal karke aap hasas jild ke masail par chand dinon mein qaboo pa satke hain.

  1. Hasas jild par mojood dagh dhabbon k nishanaat ko khatam karne ke liye naem ke pattoun ka paste nihayat mufeed hai.
  2. Sandal powder aur arq e gulab ko mila kar lagane se bhi hasas jild par mojood acne, pimples and dark spots chand dino mein khatam ho jate hain.
  3. Khalis phalon ke goday ki istemal se chehray ko dilkashi milti hai. Kisi bhi phal ka goda le kar is mein powder milk mila kar paste banayen aur chehray par lagayen. Chand din mein aap ko waze farq mehsoos ho ga.

Sensitive skin care quick remedies in Urdu


About the author

Beauty

Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.

Add Comment

Click here to post a comment

*

code