Sehat aur fitness

Tuberculosis (TB) ka ilaj

Tuberculosis (TB) in Urdu
1.25Kviews

Tuberculosis (TB) aik mutaddi yani aik fard se Dosary fard ko lagnay wali bemari hai jab ke is marz ko siil ya tap diq bhi kaha jata hai. Har mulk mein TB se mutasira afraad mojood hain. Yeh marz Asian, African, latin American, aur Mashriqi European mumalik mein sab se zyada aam hai. Aur is marz se mutasir honay aur bemaar parney walay afraad ki aksariyat duniya ke unhi hisson mein mojood hai.

TB jism ke kisi bhi hissay (panjar, limbic ghudood, ya dimagh) mein ho sakti hai magar amooman phephron ko nishana banati hai. Mandarja zail mein TB ke marz mein mubtala honay ki aham wajohat, alamat, tashkhees aur tibbi elaj ke ilawa gharelo tareeqa elaaj ke mutaliq aagai faraham ki gayi hai jis par amal kar ke aap nah sirf is mozi marz se ba aasani nijat hasil kar sakte hain bal ke is ke failao ko bhi control kar sakte hain.

Jobs

Tuberculosis symptoms and treatment tips in Urdu

Tuberculosis Causes

TB ka marz aik jarsome Myco Bacterium se paida hota hai aur aam tor par pehpron ko mutasir karti hai. Ghair mayaari tarz zindagi, jaraseem se aaloda rehaish, ghair mayari ashya ka istemal, mushaqat ki zyadti waghera TB ka sabab banti hai.

TB ka marz ghareeb afraad mein jyada paya jata hai, tang o tareek aur ziyada ghunjaan abad ilaqay bhi is ke farogh ka baais bantay hain. Jabkay yeh bemari mutasirah insaan se dusre insaan mein khansnay, thoknay aur chhenknay se muntaqil hoti hai.

Tuberculosis causes in Urdu

Symptoms

TB (tap diq) ki aam alamat main shaam ke waqt halka halka bukhar, puray jism mein khaosan seene mein dard mehsoos hona, raat ko thanday paseenay ana aur baaz auqat kapkapi bhi taari ho jati hai. Shadeed kamzori ke sath wazan mein bhi kami ho jati hai, balgam mein khoon aata hai.

Jab ke TB ki amoomi alamat mein bukhar, jism par kapkapi tari hona, sote hue pasina mein doob jana, bhook ka khatam ho jana, wazan mein kami, aur thakawat shaamil hain. In ke ilawa ungliyo ke nakhunon ke aitraaf sujan bhi ho sakti hai. Taham yaad rahay ke ek chothai mareezon mein koi alamat zahir nahi hoti.

Tuberculosis symptoms in Urdu

Diagnosis

Zahiri alamaat ki bunyaad par TB ki tashkees bohat mushkil hoti hai. Is ki wajah yeh hai ke baaz deegar amraz ki alamaat bi TB ki alamat ke mushaba hoti hain. TB ki hatmi tashkees bacteria ki maujoodgi ka yakeen shawahid mile jaane ke baad hi mumkin hoti hai.

TB ke kuch test barah e rast bacteria ki maujoodgi ki nishandahi ke liye kiye jate hain. Dosray test jaisay x-ray waghera mumkina mareez par bacteria ke asar ka mushahida karne ke liye kiye jate hain.

Tuberculosis diagnosis in Urdu

Treatment tips

Aik daur mein TB lailaaj marz tha, aur mutasirah shakhs khoon tukthy tukhty mout ke mun mein chala jata tha. Phir anay walay barson mein TB ke ilaj ke liye adwiyat tayyar kar li gayeen. TB ke ilaj mein aik se zyada amooman 3 se 4 adwiyat back waqt istemal karwai jati hain.

Shart yeh hai ke duwaein Doctor ki Hidayat ke mutabiq is pooray arsay ke douran baqaidgi se khayi jayen. Ilaaj ke douran mareez ko achi khoraak maslan doodh, anday, machhli, gosht aur phal waghera dena chahiye.

Tuberculosis treatment tips in Urdu

Tuberculosis (TB) Home Remedies

Mandarja zail mein TB ke marz se jald aur mukmal nijaat ke chand gharelo totkay bayan kiye gaye hain jin ka baqaida istemaal kar ke aap bohat jald is mutaddi marz se chhutkara pa satke hain.

Note: Agar aap mein Tuberculosis (TB) ka marz ki tashkhees ho chuki hai to pehlay jadeed tibbi tareeqa ilaaj par tavajja den. Jab ke kisi bhi gharelu nuskha ya totkay ka istemal apne mualij ke mahswara se karen.

Tuberculosis home remedies in Urdu


Yeh gharelu totka TB k marz se jald aur fori nijat ke liye be had mufeed hai. Is gharelo totkay ke liye aap ko mandarja zail ajzaa ki zaroorat ho gi.

  1. Malthi – 70 gram
  2. Suhaga Safid – 70 gram
  3. Yound Khaati – 100 gram
  4. Aak ka doodh – 10 gram

Tamam ajzaa (multhi, suhaga safaid, yound khaati) ko bareek pees is mein aak ka doodh achi tarah mila len. Aik gram din mein 3 martaba khane ke baad 1 cup neem garam doodh ke sath istemal karen. In Sha Allah do mah ke baqaida istemal se TB ka marz jarr se khatam ho jaye ga.

Parhaiz: Giza mein sirf kaddu, tinda, shalgam, gajar aur mooli baghair mirch masala ke pakka kar istemal karen.

Tuberculosis home remedies in Urdu


Yeh gharelu totka TB ke marz se jald aur fori nijat ke ilawa asthma aur kali khansi jaisay amraz mein bhi be had mufeed hai. Is gharelo totkay ke liye aap ko mandarja zail ajzaa ki zaroorat ho gi.

  1. Adrak ka ras – 1 khane ka chamach
  2. Shahad – 1 khane ka chamachh
  3. Methi ka Joshanda – 1 cup

Tamam ajza (adrak ka ras, shahad aur methi ke joshandey) ko mila kar din mein kisi bhi waqt pi len. In Sha Allah aik se do mah ke baqaida istemal se TB ka marz jarr se khatam ho jaye ga. Jab ke jild aur hadion ki TB mein arsa ilaaj aik saal hai.

Tuberculosis home remedies in Urdu


Yeh gharelo totkay TB ke marz se jald aur fori nijaat ke ilawa jismani kamzori ke marz main bhi nihayat mufeed hai. Is gharelo totkay ke liye aap ko mandarja zail ajzaa ki zaroorat ho gi.

  1. Gulkand – 50 gram
  2. Shahad – 50 milliliter

Gulkand ko shahad ke sath achi terhan mix kar le dopehar ke waqt saada rootti ke sath khayen. Yeh amal char mah taq musalsal istemal karne se TB ka marz hamesha ke liye khatam ho jata hai. Jab ke jismani kamzori, khansi aur bukhar ka zor bhi toot jata hai.

Tuberculosis home remedies in Urdu

Leave a Reply

Zubaida Beauty
Zubaidabeauty.com Pakistan ki pehli Urdu Website hai jahan mard o khawateen beauty tips, makeup tips, health tips, wazan kam karne ki tips, aur bohat se mufeed gharelo totkay Roman Urdu mein parh satke hain.
Beauty Tips in Urdu